Die fetten Jahre sind vorbei

Die fetten Jahre sind vorbei
Ficha tecnica
Dirección	Hans Weingartner
Producción	Hans Weingartner Antonin Svoboda
Guión	Katharina Held Hans Weingartner
Musica	Andreas Wodraschke
Fotografía	Daniela Knapp
Montache	Dirk Oetelshoven Andreas Wodraschke
Actors	Daniel Brühl Julia Jentsch Stipe Erceg
Datos y cifras
País(es)	Alemanya Austria
Anyo	2004
Debantadera	17 de mayo de 2004 Festival Internacional de Cine de Canas (Canas, Francia)
	15 de noviembre de 2004 Hamburgo (Alemanya) 25 de noviembre de 2004 Austria
Chenero(s)	Cine de drama Cine de romance
Durada	127 min.
Idioma(s)	Alemán
Companyías
Productora(s)	Y3 Film Coop99 Filmproduktion Südwestrundfunk ARTE
Informacions en bases de datos especializadas:

Die fetten Jahre sind vorbei (en alemán; Os anyos d'abundancia son remataus en aragonés), enguerada en Aragón como Los edukadores (Os edukadors en aragonés), ye una cinta austro-alemana de l'anyo 2004 escrita y dirichida por l'austriaco Hans Weingartner y protagonizada por Daniel Brühl. Fue nominada a la Palma d'Oro como millor cinta de 2004 en o Festival Internacional de Cine de Canas.

A cinta recenta os feitos esdevenius a tres activistas anticapitalistas anarquistas: Jule (Julia Jentsch), Peter (Stipe Erceg) y Jan (Daniel Brühl).

Argumento

Jule ye una cambrera que treballa ta pagar a deuda en haber chocau con l'auto carismo d'un millonario (Hardenberg); debiu a los compromisos d'a deuda no puet pagar o loguero d'o piso y ha de mudar-se con o suyo novio Peter, qui comparte piso con o suyo amigo Jan.

Peter marcha de vacanzas enta Barcelona, por o que dixa a la suya novia con Jan, qui informa a ista d'as actividaz a las que s'adedican Peter y él de nueiz; os chóvens dentran en as casas de personas millonarias, desordenan as cosas y dixan mensaches como "Os suyos días d'abundancia son contaus" con o que quieren causar medrana psicolochica a los millonarios, pues no furtan brenca. Jule demanda a Jan de dentrar en a casa de Hardenberg, a qui adeuda os diners y que se troba de vacanzas. Dimpués de realizar as suyas actividaz Jule xublida o suyo telefono móbil en a mansión, por o que han de tornar-ie. Ya aintro son vistos por Hardenberg, qui bi torna inesperadament, asinas que deciden de gritar a Peter, qui tamién ha tornau d'o suyo viache y entre os tres prenen como hostache a Hardenberg adugando-lo enta una casa de campo d'un familiar de Jule an que remanan por bels días mientres resuelven que han de fer.

Astí se chenera una relación sentimental entre Jan y Jule que afecta a la relación d'amistat entre os tres. A la fin deciden de tornar a Hardenberg a casa suya, qui promete no denunciar-los. Dimpués aparentement no cumple a suya promesa y poco dimpués acude con un operativo policial a casa d'os chóvens, pero se la troban vueda y en a paret una nota que diz Manche Menschen ändern sich nie (bellas personas nunca no cambean). Peter, Jan y Jule ya han "eslampau" a Barcelona dimpues d'haber solucionau as suyas diferencias y dende asti continan con os suyos plans anticapitalistas.

Se veiga tamién

• Cine en 2004.
• Cintas de 2004.

Vinclos externos

• (en) Die fetten Jahre sind vorbei en IMDb.
• (de) Pachina web oficial d'a cinta.

• Datos: Q157975