Cometa
Os cometas (d'o latín cometa y iste d'o griego Kometes, cabellera), chunto con os asteroides, planetas y os suyos satelites, fan parti d'o Sistema Solar. Son cuerpos solidos muit parellans a los asteroides pero con distinta composición, y describen orbitas tan luengas, que aquells que rodían a lo Sol, tornan a lo mesmo puesto en pasar muitos anyos, tantos que a beluns d'els nomás lis s'ha visto una unica vegata. Atros son destruitos por l'acción d'a gravedat d'o Sol, debito a la suya chicoteta masa.
Os astronomos han trobato que os cometas provienen prencipalment de dos puestos; o cinturón de Kuiper, localizato mas allá d'a orbita de Plutón y a nube d'Oort, situata encara mas luen, a la metat de distancia entre a Tierra y Alfa Centauri (a estrela mas amanata a lo Sol.)
