Caracal caracal

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Caracal caracal
Caracal caracal
Clasificación cientifica
Reino:	Animalia
Filo:	Chordata
Subfilo:	Vertebrata
Clase:	Mammalia
Orden:	Carnivora
Familia:	Felidae
Especie:	Caracal caracal
Descripción
Caracal caracal Schreber,

O caracal ^[1] (Caracal caracal) ye una especie de mamifero carnívoro d'a familia Felidae. Ye un felino de grandaria meya (entre 60 y 92 cm de largo, sin incluir a coda) que vive en as sabanas y semidesiertos d'Africa y l'ueste d'Asia, dende Turquía a o sud de Cazaquistán y o nordueste d'a India.^[2] Priva as zonas excesivament boscosas. No se conoixe muito sobre a suya biolochía, pero pareixe que prefiere mover-se de nueit, descansando entre o día amagau entre as penyas.

A o caracal se lo clama en ocasions "lince africano", pero no ye estreitament emparentado con os linces. Pareixe estar mas relacionau evolutivament con o serval, un chicot y patilargo felino africano con o cual en cautividat se puede cruciar, chenerando hibridos clamaus "caravals" y "servicals".

Biolochía y ecolochía

Caza y s'alimenta de chicoz mamíferos, como Liebres, radedors, damans y mesmo crías de antílope, pero as suyas presas preferitas con diferencia son as aus. Puede capturar-las mesmo dimpués de prener o vuelo gracias a la suya capacidat para realizar portentosos saltos (aproximadament de 3 metros). En atras ocasions ataca a las aus mientres anidan, encara que lo faigan en a copa d'os arbols, pus o caracal trepa pro bien. Por o que pareix, ni sisquiera as aligas escapan a os suyos ataques.

Son animals solitarios fueras d'en epoca reproductora. Dimpués d'una chestación d'entre 69 y 81 días, as fembras paren d'una a seis crías, encara que habitualment son tres.^[3] En cautividat viven 17 anyos, encara que a vegatas plegan a 19.

Os caracals se domestican con facilidat, razón por a cual a suya achilidat y velocidat han estau aprofitadas en distintas epocas en Egipto, Persia y a India para la caza. O propio caracal s'ha considerau tamién entre muito tiempo como que una valurosa presa, razón por a cual ha estau cazau dende tiempos muit antigos. En l'actualidat, a especie ye protechida en cuantas zonas d'a suya aria de distribución, encara que a especie en conchunto no se troba menazada. Solament a subespecie d'Asia Central corre un autentico periglo.

Referencias

↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ Groves, Colin (2005). «Species Caracal caracal». En Wilson, D. E.; Reeder, D. M. Mammal Species of the World (3ª edición). Baltimore: Johns Hopkins University Press. p. 155. ISBN 0-8018-8221-4.Plantilla:MSW3 Groves
↑ Nowak, R. M. (2005). Walker's Carnivores of the World (en inglés). Baltimore, EE. UU.: The Johns Hopkins University Press. p. 247. ISBN 0-8018-8033-5.Nowak, R. M. (2005), {{{títol}}}, Baltimore, EE. UU.: The Johns Hopkins University Press. ISBN 0-8018-8033-5.

Datos: Q30847
Multimedia: Caracal caracal / Q30847
Especies: Caracal caracal

[DORTO-1] (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[msw3-2] Groves, Colin (2005). «Species Caracal caracal». En Wilson, D. E.; Reeder, D. M. Mammal Species of the World (3ª edición). Baltimore: Johns Hopkins University Press. p. 155. ISBN 0-8018-8221-4.Plantilla:MSW3 Groves

[Nowak-3] Nowak, R. M. (2005). Walker's Carnivores of the World (en inglés). Baltimore, EE. UU.: The Johns Hopkins University Press. p. 247. ISBN 0-8018-8033-5.Nowak, R. M. (2005), {{{títol}}}, Baltimore, EE. UU.: The Johns Hopkins University Press. ISBN 0-8018-8033-5.

[1]

[2]

[3]