Equus

De Biquipedia
Ir ta: navego, busca
Equus
Caballo de Przewalski
Equus caballus przewalskii, o caballo de Przewalski.
Clasificación scientifica
Dominio: Eukaryota
Reino: Animalia
Filo: Chordata
Clase: Mammalia
Orden: Perissodactyla
Familia: Equidae
Chenero: Equus
L., 1758
especies
  • Se veiga texto

Equus (literalment, en latín, «equino») ye un chenero de mamiferos herbivoros en a orden Perissodactyla, lo solo chenero que existe en l'actualidat a drento d'a familia Equidae («équidos»), dimpuesas que la més gran parte d'os taxons que yeran compresos en a dita familia taxonomica s'estinguisen en o periodo Pleistoceno.

Lo chenero Equus comprende en l'actualidat tanto las especies/subespecies* de caballos vivas (*a taxonomía d'os caballos ye asobén qüestionata), las diferents especies de somers domesticos y salvaches, y lo grupo parafiletico que composan as ditas zebras. Tamién se i clasifican altros animals en l'actualidat extinguitos, como l'enzebro (natural d'a Peninsula Iberica encara en tiempos historicos) u lo caballo tarpán. Qualcunas d'as especies se son feitas domesticas dende antigos, especialment Equus caballus (lo caballo) y Equus asinus (lo somer), y per ixo mos son datas qualques variedatz u razas de selección que no s'han d'entivocar pas con especies diferents.

La caracteristica més prencipal d'o chenero Equus en comparanza con a resta de cheneros extinguitos d'equidae ye la persistencia d'un solo dido per piet y man a on que i refirman tot lo peso, existindo-ie en a pata rudimentos d'a resta de didos que en grupos d'equidos més antigos encara persistiban. De regular, ixes rudimentos no son mica visibles en l'animal vivo, y se saben só que per las restas esqueleticas. Los equins tienen tamien o pelache curto y espeso que puede tener variabilidat en pendendo d'a estación de l'anyo, estando la coloración natural d'ixe pelache con rayas, anque ixa carateristica no ye visible si que en as zebras, pos queda encriptato en as altras menas de coloración en caballos y somers. De regular, a demés, totas las especies presentan crinera que les recorre lo cuello dende la clabera dica los huembros.

Tienen d'entre 36 e 42 dients, y las dients se destribuyen en multiplos d'a formula I = 3/3 (3 incisivas per barra), C = 0-1/0-1 (caninas, que puet haber-ne u no), P = 3-4/3-4 (3 u 4 premolars per barra) y M = 3/3 (siempre 3 molars per barra). As dients caninas no apareixen de normal si que en os masclos.

Especies[editar | editar código]

Se veiga tamién[editar | editar código]

Vinclos externos[editar | editar código]

Referencias[editar | editar código]