Bal d'Ansó
De Biquipedia
A bal d'Ansó ye una bal perinenca situata en o estremo más ozidental d'a Chazetania en a probinzia de Uesca (Aragón).
Dos localidaz fan parti d'a bal, Ansó e Fago. Cheograficament muga á l'ueste con a bal de Roncal en Nabarra, á lo norte con o Biarn, á l'este con a bal d'Echo e á lo sur con a Canal de Berdún. Tien una amplaria total de 25.850 etarias e ye encluyito en o Parque Natural d'as Bals Ozidentals.
A chestión d'os recursos d'a bal ye conchunta entre Fago (1/5) e Ansó (4/5) e ye almenistrata por a Mancomunidat Forestal Ansó-Fago.
A dentrata á la bal ye a foz de Biniés, enamplando-se la bal en a zona d'Ansó e tornando á zarrar-se en a char de Zuriza, ta ubrir-se-ne atra begata en a bal de Zuriza situata en a parti norte d'Ansó e que se dibide en dos chicotas bals graziars, a bal de Linza e a bal de Tachera.
Bi ha importants tucas en a parti alta d'a bal como a mitica Meseta d'os Tres Reis (2428 m.), muga entre Aragón, Nabarra e Biarn, a Petrechema (2377 m.) u o Chinebral de Gamueta (2329 m.). Tamién destacan numerosos ibons, entre os más conoxitos i son Estaners u l'Acherito. Ye important tamién a zona conoxita como Auguas Tuertas á on que naxe o río Subordán.
En a bal se charra o dialeuto ansotano de l'aragonés.
[editar] Enrastres esternos
- (es) Web d'a bal d'Ansó
