Ir al contenido

Zaborra

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Zaborras en un sembrau.

A zaborra ye a pedreta chiqueta y de formas irregulars[1] como por eixemplo a que en sale de cascar atras piedras más grans, u que se desprende d'una penya. As zaborras s'emplegan como component principal en o cascallo que forma o nuclio d'as paretz de piedra.

Zaborrero/a[editar | modificar o codigo]

En o lenguache coloquial, una persona «zaborrera» u un «zaborrero» ye una persona que treballa de mala traza, que para poca cuenta de lo que fa,[2] que treballa a-escape y no ye mirau[3] u mesmo que no en sabe. En Zaragoza s'ha documentau tamién a forma «zaburrero/a».[1]

Con ixe mesmo significau s'emplega tamién por tot Aragón a esprisión ser u estar un «zaborras», sin flexionar-se ni en chenero ni en numero l'adchectivo. Igual como «zaborras» se comporta la palabra «zaforas» en «ser/estar un zaforas», que ye unatra que significa lo mesmo.

En l'orichen, o «zaborrero» yera l'aprendiz u o chulet de o piquero que, por no saber-ne guaire aún de l'oficio, no le deixaban fer si que de carriar a «zaborra» y atros materials pa la construcción. En Cinco Villas se documenta con o significau d' «Albañil que trabaja en zaborras».[1]

Se veiga tamién[editar | modificar o codigo]

Referencias[editar | modificar o codigo]

  1. 1,0 1,1 1,2 MONEVA y PUYOL, Juan, Vocabulario de Aragón; Institución «Fernando el Católico» + Prensas Universitarias de Zaragoza + Xordica Editorial. Zaragoza, 2004. ISBN 84-88920-97-0
  2. TOMÁS ARIAS, Chabier, El aragonés del Biello Sobrarbe. Instituto de Estudios Altoaragoneses. Uesca, 1999. ISBN 84-8127-095-4
  3. GARCÉS LÓPEZ, Agliberto (NAGORE, F. ed.). Fraseología del habla popular aragonesa (2º ed); Publicazions d'o Consello d'a Fabla Aragonesa. Uesca, 2005. ISBN 84-95997-16-9