Wikipedia:Biquiprochecto:Grafía/Grafía 87/Consello d'a Fabla Aragonesa
O Consello d'a Fabla Aragonesa (C.F.A.) conoxito popularmén como "Consello", ye una asoziazión cultural naxita en 1976 e reconoxita legalmén en 1978. O suyo ambito territorial ye Aragón.
As fins d'ista asoziazión son a esfensa, promozión, estudio y espardidura de l'aragonés en toz os suyos aspeutos:
Istoria, literatura, gramatica, lesico, toponimia, folclore, considerazión sozial e legal, pedagochía, didautica, amostranza, ezetra, parando espezial cuenta de o estudio, protezión e desembolique de totas as suyas barians locals e comarcals, as cualas son l'alazet de l'aragonés común u estándar.
O quefer de o Consello d'a Fabla Aragonesa s'alazeta en tres prenzipios:
- Autitú rispetuosa enta a reyalidá trilingüe d'Aragón.
- No ascrizión coleutiba á dengún ligallo politico, sindical u relichioso.
- Libertá ideyolochica de as presonas que lo forman. Ye de feito una d'as asoziazions de referenzia arredol de a luenga aragonesa en tota a soziedá aragonesa.
Dende a suya creyazión, o Consello d'a Fabla Aragonesa ha treballato de rezio en a dinnificazión de l'idioma aragonés, contribuyindo á creyar un estato d'opinión faborable arredol d'ista chicorrona luenga romanica y espardindo o suyo conoximiento á trabiés de publicazions bariatas, como as rebistas Fuellas u Luenga e Fablas. Como editorial, baxo ra direuzión de Francho Nagore, ha publicato un total de 130 libros en aragonés en os zaguers 35 años, como A lueca. A istoria d'una mozeta d'o Semontano (1982) de Chuana Coscujuela, o Bocabulario básico bilingüe aragonés-castellano y castellano-aragonés (1997) de Antonio Martínez Ruiz, u Sobre fonética histórica del aragonés de Jesús Vázquez Obrador (2011).
Dende que se creyó en l'año 2000 o Consello Asesor de l'Aragonés dintro d'o Consello d'a Fabla Aragonesa, totas as dezisions que toma iste organo se publican en Fuellas, ta que a chen as conoxca. Convoca cualques premios literarios: "Ana Abarca de Bolea" de poesía, "Chusé Coarasa" de novela curta, "O Gua" de literatura infantil e chovenil, etc.
O Consello ye miembro de l'Asociación por las Luengas e Culturas Europeyas Menazatas (ALCEM, antes AIDLCM). Asiste a los suyos congresos y ha organizato en Uesca lo XVIII.º Congreso en chulio de 1997[1] y lo XXIV.º Congreso en chulio de 2015 en a siede d'a Deputación Provincial de Uesca. [2]
Os organos de gubierno de o Consello d'a Fabla Aragonesa son l'Asambleya Cheneral de consellers e a Chunta Direutiba, que a suya composizión e atribuzions amanexen reglatos en as Ordinazions de o Consello. Os bocals, dende 2015, son siete miembros, mantenindo o criterio de paridá d'entre ombres y mullers, en a Chunta directiba.
| Chunta Directiva d'o
Consello d'a Fabla Aragonesa |
autual
(a partir d'abiento 2015 dica agora) |
anterior
(dende 2004 dica noviembre de 2015) |
|---|---|---|
| Presidén | Chusé Inazio Nabarro | Chusé Inazio Nabarro |
| Vicepresidén | Rafel Vidaller Tricas | Santiago Bal Palazios |
| Secretaría Cheneral | Ana Cris Vicén Pérez | Daniel Lerín Cristóbal |
| Tresorero | Chorche Escartín Guillén | Chorche Escartín Guillén |
| Bocals | Ana Gíménez Betrán (de Publicazions)
Amaya Gállego Lamarca (de Relazions) Julia Ara Oliván (d'Organización e Comercializazión) María Villalba Monente (d'Amostranza) Óscar Latas Alegre (d'Estudios e Bibliotecas) Mónica Loncan Bergua (de Consellers d'Aduya) Paz Ríos Nasarre (de Comunicazión) |
Alberto Gracia Trell (de Publicazions)
Rafel Vidaller Tricas (de Relazions) Miguel Ánchel Sanvicente (d'Organización e Comercializazión) Carmina Paraíso Santolaria (d'Amostranza) Amaya Gállego Lamarca (d'Estudios e Bibliotecas) Ánchel Ramírez (de Consellers d'Aduya) Paz Ríos Nasarre (de Comunicazión) |
Coleccions d'a Editorial CFA[modificar o codigo]
Serie cheneral en aragonés: Obras orichinals en aragonés, de creyazión literaria en cheneral, incluyindo-ie bolumens coleutivos de premios literarios.
- Puens enta ra parola: Coleuzión de bocabularios, lesicos, glosarios e obras lesicograficas en cheneral.
- A tefla de cuatro fuellas: Coleuzión d'asayos, estudios, rechiras e obras d'espardidura.
- A tuca: Creyazión literaria: obras d'os millors autors que escriben en aragonés, testos clasicos e testimonials escritos orichinalmén en aragonés.
- Os fustez: Coleuzión de traduzions.
- Charrín-charrán: Coleuzión de libros escolars e d'amostranza
- O gua: Coleuzión de literatura infantil e chovenil.