Warlock (cinta de 1959)

Iste articlo ye sobre un western estausunidense de l'anyo 1959; ta atros usos, se veiga Warlock.

Warlock
Títol	Warlock
Póster teatralizau d'a cinta.
Ficha tecnica
Dirección	Edward Dmytryk
Producción	Edward Dmytryk
Guión adaptau	Robert Alan Aurthur
Basau en	Warlock (novela d'Oakley Hall)Warlock, novela d'Oakley Hall
Musica	Leigh Harline
Fotografía	Joseph MacDonald
Montache	Jack W. Holmes
Escenografía	Stuart A. Reiss Walter M. Scott
Vestuario	Charles LeMaire
Actors	Richard Widmark Henry Fonda Anthony Quinn Dorothy Malone Dolores Michaels
Datos y cifras
País(es)	Estaus Unius
Anyo	1959
Debantadera	15 d'abril de 1959
Chenero(s)	Cine de western
Durada	121 min.
Idioma(s)	Anglés
Companyías
Productora(s)	20th Century Fox
Distribución	20th Century Fox
Presupuesto	2,4 millons de dólars
Recauto	1,7 millons de dólars
Informacions en bases de datos especializadas:

Warlock (títol orichinal en anglés, Bruixo en aragonés, enguerada en Aragón con o títol en castellano de El Hombre de las pistolas de oro, L'hombre d'as pistolas d'oro en aragonés) ye una cinta de cine estausunidense de l'anyo 1959 de western crepuscular dirichida por Edward Dmytryk seguntes un guión de Robert Alan Aurthur, adaptación d'a novela d'Oakley Hall Warlock, y producida por o mesmo director ta la productora cinematografica 20th Century Fox. Con una Banda Sonora Orichinal de Leigh Harline y una dirección de fotografía de Joseph MacDonald, en l'elenco d'a cinta constan, entre d'atros, actors como Richard Widmark, Henry Fonda, Anthony Quinn, Dorothy Malone u Dolores Michaels.

La cinta se rodó en Utah y s'ambienta en os anyos 1880 en Utah.

Argumento

En primerías d'os anyos 1880, Warlock ye una chicota ciudat d'un districto adedicau a la minería en o estau de Utah. A sobén plegan en a ciudat os cowboy que treballan ta Abe McQuown y que bi provocan desastres. Un día cuan plegan escarapellan a lo marshall d'a ciudat y lo fan fuera, asasinando a un d'os habitants d'a ciudat. O Comité de Ciudadans, preocupaus, decide contractar a un conoixiu pistolero, Clay Blaisedell, como nuevo marshall d'a ciudat ta que ponga orden, encara que beluns d'os miembros d'o Comité no en son guaire convencius.

Cuan Blaisedell plega en a ciudat, lo fa acompanyau d'un inseparable amigo, Tom Morgan, un pistolero de dubdosa reputación, chugador y bebedor. Cuan lo Comité li diz que no lis cuaca la suya presencia, Blaisedell afirma que toz dos marchan chuntos en o mesmo paquet. Cuan os cowboy de McQuown plegan en a ciudat, Blaisedell consigue que reblen sin fer servir la violencia, nomás que intimidando-los. Un d'éls, Johnny Gannon, que ye canso d'as actividaz d'a colla, decide deseparar-se y quedar-se en a ciudat.

Bel día Morgan conoix que Lily Dollar, una antiga amant, plega en a ciudat, acompanyada de Bob Nicholson, chirmán de Big Ben Nicholson, a qui feba poquet que Blaisedell heba matau en un incident que Lily sabe que heba estau provocau por Morgan, qui heba empuixau a Big Ben ta que desafiase a Blaisedell. Lily deseya ver muerto a Blaisedell ta que Morgan peluchie. Morgan albandona la ciudat ta trobar-se con Lily antes de que plegue con a dilichencia pero cuan s'amana troba que los hombres de McQuown son robando-la y aproveita ta matar a Big Ben sin ser visto. Lily plega en a ciudat y ye segura de que ye Morgan qui ha matau a Big Ben.

Blaisedell diriche una partida ta capturar a los ladrons y consigue fer-lo sin mas incidents, pero en o chuicio subsiguient Abe McQuown intimida a lo churau y consigue la suya absolución. Johnny Gannon, qui desapreba a Blaisedell en haber iste feito preso a su chirmán que formaba parte d'a banda, solicita convertir-se en aduyant d'o sheriff y lo Comité accepta. Cuan los cowboy, dirichius por o chirmán de Johnny, Billy Gannon, quedan libres buscan a Blaisedell y Morgan. Blaisedell demana aduya a Johnny, pero iste se niega. En a luita posterior, mueren tres cowboy, Billy incluyiu, y la ciudat principia a sentir malestar d'a conducta de Blaisedell y Morgan. Alavez Morgan quiere marchar ta continar fendo las mesmas actividaz en atros lugars, pero Blaisedell s'ha enamorau de Jessie Marlow, una mesacha d'o lugar, y quiere quedar-se y casar-se. D'atra man, Johnny se diriche a charrar con os cowboy ta prebar de quitar mas violencias, pero un d'éls li desferra la man ta que no la pueda fer servir en empunyando un arma. Tanimientres, Johnny decide fer cara a los cowboy y pide l'aduya de Blaisedell, qui accepta. Pero Morgan, en apuntando-lo con un arma, li impide acudir en a suya aduya. Inesperadament, Gannon recibe aduya de bels ciudadans y consigue matar a McQuown, rematando asinas la baralla y convertindo-se en un heroi ta los ciudadans. Morgan no puet acceptar tot ixo y, amás, Lily, la suya antiga novia, siente agora atracción por Gannon. S'amana lo remate final d'o conflicto, con Gannon con una ferida en a suya man.

debant la expectación d'o conchundo d'hanitants d'o lugar, os dos hombres se troban l'uno frent de l'atro. Morgan ye lo mas rapedo y la pistola amanixe cuasi machicament en a suya man pero, en cuentas de disparar-la, decide albandonar lo lugar.

Elenco

Actor	Papel	Notas
Richard Widmark	Johnny Gannon
Henry Fonda	Clay Blaisedell
Anthony Quinn	Tom Morgan
Dorothy Malone	Lily Dollar
Dolores Michaels	Jessie Marlow
Wallace Ford	Chuez Holloway
Tom Drake	Abe McQuown
Richard Arlen	Bacon
DeForest Kelley	Curley Burne
Regis Toomey	Skinner
Vaughn Taylor	Henry Richardson
Don Beddoe	Dr. Wagner
Whit Bissell	Petrix
Bartlett Robinson	Buck Slavin
Robert Adler	Foss	No acreditau
Joel Ashley	Murch	No acreditau
Don "Red" Barry	Edward Calhoun	No acreditau
June Blair	Bailarina	No acreditada
Rudy Bowman	Ciudadán	No acreditau
Wally Campo	Barbero	No acreditau
Harry Carter	Cambrero	No acreditau
Gordon Carveth	Ciudadán	No acreditau
Dick Cherney	Ciudadán	No acreditau
Noble "Kid" Chissell	Ciudadán	No acreditau
Paul Comi	Amigo de Luke	No acreditau
Walter Coy	Aduyant d'o sheriff Ray Thomson	No acreditau
Sheryl Deauville	Bailarina	No acreditada
Ann Doran	Mrs. Richardson	No acreditada
George Ford	Ciudadán	No acreditau
David Garcia	George "Pony" Benner	No acreditau
Frank Gorshin	Billy Gannon	No acreditau
Sol Gorss	Bob Nicholson	No acreditau
Herman Hack	Ciudadán	No acreditau
J. Anthony Hughes	Shaw	No acreditau
Roy Jenson	Hasty	No acreditau
L.Q. Jones	Fen Jiggs	No acreditau
Stan Kamber	Hutchinson	No acreditau
Gustave Lax	Cambrero	No acreditau
Gary Lockwood	Miembro d'a banda	No acreditau
Ian MacDonald	MacDonald	No acreditau
Russ McCubbin	Miembro d'a banda	No acreditau
Robert Osterloh	Mayestro	No acreditau
James Philbrook	Jack Cade	No acreditau
Hugh Sanders	Sheriff Keller	No acreditau
Roy N. Sickner	Bush	No acreditau
Mickey Simpson	Fitzsimmons	No acreditau
Cap Somers	Miembro d'a banda	No acreditau
Bert Stevens	Ciudadán	No acreditau
Jack Tornek	Ciudadán	No acreditau
Joe Turkel	Chet Haggin	No acreditau
Tom Wilson	Ciudadán	No acreditau
Harry Worth	Burbage	No acreditau

Premios

Premio	Calendata	Edición	Categoría	Premiau	Notas
Premios Laurel	1960		Nominau a lo Laurel a lo Millor Actor d'Acción	Richard Widmark

Critica

En a redacción de Fotogramas comentan:

...un guión d'indubdable fuerza y una cinta estimable pero que no remata d'aproveitar todas as suyas posibilidaz. Contiene una aguda reflexión sobre lo poder y la chusticia, que estriba mas en as convincents recreacions d'os arquetipicos personaches por parte d'un consistent elenco que en una realización convencional dica lo limite d'esmorteixer-se

En o blog El crítico abúlico analizan asinas a cinta:

...western psicolochico y iconoclasta (...) Sers equivocos, desengatuzaus, torturaus, decadents, que nadan entre dos auguas (...) Dimpués d'o denso y intresant desembolique d'a cinta, a Dmytryk parixe que desfalle en fuerzas y en inchenio ta fer encaixerar de raso a un final que, con tot y con estar consecuent en a suya significación con o mensache d'a cinta, padeixe de falta de contundencia

Se veiga tamién

• Cine en 1959.
• Cintas de 1959.

Vinclos externos

• (en) Warlock en Internet Movie Database.
• (en) / (es) Warlock en FilmAffinity.
• (en) Warlock en Rotten Tomatoes.
• (en) Warlock en AllMovie.
• (en) Warlock en TCM Movie Database.
• (en) Warlock en Internet Movie Database.
• (en) Warlock en Internet Movie Database.
• (en) Warlock en Internet Movie Database.
• (en) Warlock en Internet Movie Database.

• Datos: Q1949548