Vara (unidat)
 |
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A vara[1] ye una unidat de mesura de largarias tradicional que deriva d'os sistemas antropometricos d'unidaz que se desarrolloron en l'Antiguedat y se continó emplegando entre tot l'Antigo rechimen en muitos países. En as suyas oríchens, una vara teneba una largaria equivalent a dos coudos, ixo ye, a distancia que i ha entre os codos cuan se tiene as mans ubiertas sobre o peito, tocando as puntas d'os didos corazons entre si, y os brazos deseparaus d'o tronco.[2]
A vara fue, de conchunta con o coudo, una d'as mesuras regulars que s'emplegaba en l'Imperio Romano.[2] Con a caita d'o poder romano, as mesuras principión a variar as unas con as atras, y asinas pasó que as unidaz que enantes yeran iguals comenzón a fer-se diferents en uns territorios y atros. En a Peninsula iberica medieval, as mesuras fuen regladas por as diferents autoridaz; reis y bispes, de forma que en rematau o periodo i heba bella diversidat. Entre as principals en o nuestro entorno cal citar:
- A vara aragonesa: 0,772 metros, formada de 3 piez aragoneses u tercias de 25,65 centimetros,[2] u de 4 palmos de 19,3 cm. Una leugua aragonesa teneba 8000 varas aragonesas (6176 m).[3]
- A vara castellana: 0,836 metros, de 3 piez castellanos de 27,86 cm. Una leugua castellana teneba 6666,7 varas castellanas (5572,7 m).[3]
- A vara valenciana: 0,906 metros. A leugua valenciana equivaleba a 7222 varas castellanas, no pas valencianas, y ixo son 6036,9 metros.[3]
- A vara navarra: 0,785 metros. Una leugua navarra consta de 7000 varas navarras (5495 m).[3]
En o sieglo XIX as mesuras castellanas ya s'heban cheneralizau pa todas as rechions d'Espanya, desplazando a las autoctonas. En 1849, Isabel II sancionó por lei que s'adoptase o sistema metrico decimal, pero lo enradigau d'as mesuras tradicionals fizo que dica 1895 no se rematase d'implantar, metendo fin a lo sistema de mesuras historicas de cada rechión.
Se veiga tamién
[editar | modificar o codigo]Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024 (accesible vía web).
- 1 2 3 (es) Origen de la vara aragonesa de Sos del Rey Católico, consultada l'11 d'octubre de 2019.
- 1 2 3 4 5 Romero García, R.E.: Breve compendio de las antiguas medidas utilizadas en las diferentes provincias y regiones españolas. Técnica Industrial 254, setiembre 2004.
| Control d'autoridaz |
|
|---|
Datos: Q16878358