Codo (unidat)

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Este articlo tracta sobre o codo como unidat de mesura. Pa atros usos de codo, se veiga Codo (desambigación).

Un codo.

O codo ye una unidat de mesura tradicional pa largarias que s'ha emplegau por a-saber-las culturas a lo largo d'a historia por estar d'orichen antropometrica. En orichen, ye a mesura d'a distancia dende o codo dica la punta d'o dido corazón con a mano extendida.

Normalment corresponde con a metat d'una vara y con o doble d'un palmo en a escala de mesuras local. Bells eixemplos de codos en o nuestro entorno:

• Codo aragonés: De 0,384 metros, yera l'equivalent a 2 palmos aragoneses (19,3 centimetros) y a metat d'una vara aragonesa (0,772 m).
• Codo castellano: De 0,418 metros.

O codo aragonés, como a resta d'as midas aragonesas, s'estandarizó en as Cortz de Monzón de 1553. Teruel y Albarracín en quedoron fuera y por ixo continuoron emplegando unidatz de mesura propias. En 1849, a reina Isabel II sinyó la dentrada d'Espanya en o sistema metrico decimal, o que prevocó lo progresivo abandono d'os sistemas locals d'unidatz d'os antigos reinos.

Se veiga tamién

• Vara (unidat).
• Legua.
• Palmo (unidat).