Val de Barrabés
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Val de Barrabés Val de Barravés | |
|---|---|
 Besiberri del Mig, Besiberri Nord y Punta d'Harlé | |
| Administración | |
| Estau | |
| País |  Aragón Catalunya Occitania
|
| Comarca | Ribagorza Alta Ribagorza Val d'Arán |
| ' | |
| ' | |
| Cabecera | {{{cabecera}}} |
| Capital | |
| Localidaz | {{{localidatz}}} |
| Chentilicio | {{{chentilicio}}} |
| Cheolochía | |
| Acceso | |
| Ríos | Noguera Ribagorzana |
| Largaria | |
| Orientación | Norte-Sud |
| Cheolochía | |
| Tipo | |
| Macizo | Pireneus |
| Mapa | |
  | |
La Val de Barrabés ye una val de los Pireneus centrals, situada en la versant sud. Forma lo cobalto de lo río Noguera Ribagorzana.
Las mugas d'esta val siguen las crestas de las montanyas que la environan. D'estas montanyas las mes importants son: a lo norte, mandando visualment en la val, lo pico de lo Puerto de Viella (conoixiu como Pico de Sarraera), de 2.605 metros d'altaria; enta ponient, pico de Molières (u Mulleres), Russell y Vallhibierna, toz de mes de tres mil metros; y enta la parte de levant los Besiberri del Nord, del Mig y Sud y lo Coma lo Forno, que superan tamién aquella altaria.
La muga norte coincide, por tanto, con l'eixe axial pirenenco y las vals de l'Ésera y d'Arán. Ta l'este muga con la Val de Boí, y ta l'ueste con la Val de Castanesa.
Dende lo punto de vista cheolochico la forman cualques plegamientos hercinicos. Los materials son a-saber-lo de variaus, pus la val ye muito estensa. Destaca en lo norte lo granito normal. En l'ueste bi ha rocas calsinosas, muito vistables en Vallhibierna y arredol. A sobén se troban losetas y materials sedimentarios.
La erosión glacial estió determinant en la formación de la morfolochía actual, pus las grans cheleras ocupaban cuasi tota la val y plegaban mes t'abaixo que Vilaller. Los fenomenos periglacials asociaus han modelau los barrancos laterals y lo mesmo fondón de la val. Bi ha morrenas en lo fondo y los dos costaus de la val, dica en altarias y distancias sobre l'actual leito de lo río.
Plegamientos y erosions han feito una serie de vals laterals. Las mes destacables por la suya mida son:
- La val del Mulleres (u Molières), con tres estanys y a on naxe lo río Noguera Ribagorzana.
- La val de Conangles.
- La vall de Besiberri chusto a lo sud.
- La val de Salenques, mes ta lo sud y en lo costau ueste de la val de Barrabés.
- La val de Llauset, tamién en lo costau ueste seguinto enta baixo. Bi ha un entibo construito en la decada de 1970 que aproveita un estanyo.
- Bi ha atras vals, fontanas y barrancos como Fenerui, Gelada, Riumalo, Forcat, Senet.
Administrativament ye un territorio a-saber-lo de repartiu:
- Ribagorza la part aragonesa, municipio de Montanui.
- Val d'Arán la zona norte, termin de Viella e Mijaran.
- Alta Ribagorza la resta, pero encara ye repartida entre los municipios de Vilaller –la mayor parte– y La Vall de Boí (nombre actual de lo municipio de Barruera).
Toponimia
[editar | modificar o codigo]Historicament lo nombre “...de Barravés” ya se documenta en lo sieglo XI (en una donación de la ilesia de Coll a Sant Andreu de Barravés).
En esta val, que actualment ye catalanoparlant, ye posible trobar-se toponimos con trazas foneticas aragonesas (como lo mesmo pico coma lo forno).
