Vada cheneral europea de 2012

De Biquipedia
Ir a la navegación Ir a la búsqueda
Cartel d'a vada cheneral 14N

A vada cheneral europea[1][2] u vada cheneral iberica[3][4] de 2012 (mas conoixita por as sieglas de 14-N) ye una vada cheneral convocata ta o miércols 14 de noviembre de 2012 en primeras por quantas organizacions sendicals espanyolas, a la que adhibioron atros sendicatos y colectivos europeus.

Por primera vegada en a historia d'a Unión Europea se convocó simultaneament una chornada d'atures en diferents estatos con una reivindicación común. Chipre, Malta, Portugal, Italia y Espanya vivioron una chornada de vada cheneral que fue refirmata con movilizacions en Francia, Grecia y vadas sectorials en a Belchica francofona.[5]

En Aragón convocoron a vada os prencipals sendicatos d'o país como SOA-STA[6], CATA, IA, CNT y CGT (amás d'as centrals estatals de CCOO y UGT) y la refirmoron organizacions como Puyalón[7], Purna [8], A clau roya [9] y A Enrestida [10]

A vada en Aragón[editar | editar código]

Cartel de Purna refirmando a vada.

A vada cheneral se desembolicó en Aragón con un seguimiento total d'un 75% seguntes os sendicatos y "prou baixo" seguntes os gubiernos espanyol y aragonés[11].

As manifestacions se pudioron sentir por as carreras d'as prencipals localidatz d'o país. En Zaragoza a manifestación convocata por os sendicatos CGT, CNT, SOA, CATA y Intersindical d'Aragón y organizacions como a "Plataforma Stop Desahucios" salió a las 18:00 dende a Plaza Reina Sofía. Una hora dimpués, a las 19:00 salió dende a Plaza Paraíso de Zaragoza un atra manifestación convocata por UGT y CC.OO. Seguntes os líders sendicals estioron 200.000 personas as que facioron parti d'a manifestación de Zaragoza, estando asinas a mas gran desde as manifestación contra o Plan Hidrolochico Nacional. [12]

En Uesca bi habió una manifestación con mas 6.000 personas baixo o lema "Nos deixan sin futuro. Bi ha culpables. Bi ha solucions" y en Teruel, se facioron dos manifestacions, a de UGT y CC.OO, y una atra convocata por o "Bloque Critico". Atras ciudatz con manifestacions importants estioron Monzón, Casp, Alcanyiz u Exeya.

O seguimiento d'a vada en as prencipals interpresas con seu en Aragón estió important, prencipiando ya de nueitz en os prencipals poligonos industrials. [13]. L'ature en Opel estió total con a fabrica zarrata de raso fueras d'os servicios minimos[14]. En atras interpresas como Johnson Controls (80% de seguimiento) u HP (90%) o seguimiento tamién estió gran.

A chornada de vada se notó tamién en a Universidat de Zaragoza, a on os campus de Sant Francisco y o Río Ebro amaneixioron vuedos de tot y con piquetz informativos de diferents organizacions politicas, sendicals y estudiantils. Se rechistroron bell par d'incidents en a Facultat de Dreito y a Biblioteca María Moliner sin mayors consecuencias,[15] manimenos a mayoría d'estudiants decidioron no ir a clase. Bells millars de personas perteneixients a o colectivo estudiantil facioron una manifestación de maitins por as carreras d'a capital aragonesa en favor d'a educación publica. Tamién bi habió concentracions en a frontera d'o Paraninfo d'a Universidat de Zaragoza.[16]

Referencias[editar | editar código]

Vinclos externos[editar | editar código]