Trillo

De Biquipedia
Ir a la navegación Ir a la búsqueda
Iste articlo tracta sobre o trillo que ye una ferramienta de cultura. Ta atros emplegos d'a parola «trillo» se veiga Trillo (desambigación).
Un trillo.

O trillo (d'o latín <TRIBŪLU,[1] con o mesmo significau) ye un traste que s'emplega, en agricultura, ta la fayena de a trilla d'os cerials. Consiste, tipicament, en una tabla de madera firme de grans dimensions, feita por regular con diferents fustas recias ensambladas horizontalment y con lascas de piedra (por l'usual de pedrenya) u rodetas de metal por debaixo, a qual se fa pasar por alto d'a pallada con a fin de tallar y estricallar as cabezas d'o cerial y fer-ne desprender os grans.

Funcionamiento[editar | editar código]

O trillo estricalla mecanicament as garbas quan se lo fa pasar por alto d'ellas. Pa fer ixo, os cerials cullius en o proceso d'a siega s'esparden por tierra en una era, tot formando lo que se diz a pallada, de maniera que se pueda recorrer a extensión cubierta d'ells en fendo-ie eslizar o trillo en corroldes, estirau por abríos. Pa potenciar l'acción erosiva d'o trillo, iste gosa ser feito de madera recia y buen peso, y se i amonta personas alto pa incrementar a masa; tipicament un adulto que lieva as riendas d'os abríos y uno u más d'un crío que se'n fa divertimento.

L'acción de conchunta d'as patas d'os abríos y d'a pedrenya prevoca la rompida d'as garbas y que o grano caiga. O proceso posterior d'aventau de a mezcla sirve ta deseparar a palla, que pesa menos y marcha con l'aire, de o grano, que caye directament ta tierra.

Se veiga tamién[editar | editar código]

Referencias[editar | editar código]

  1. (es) MOTT, Brian L.. Diccionario etimológico chistabino-castellano castellano-chistabino. Institución «Fernando el Católico». Zaragoza, 2000. ISBN 84-7820-553-5