Siega

De Biquipedia
Ir a la navegación Ir a la búsqueda
Siega tradicional.

A siega (pronunciau /'sjega/ u /'sjæga/; de o latín <SECARE, «tallar») ye o proceso de cullita d'os cerials. O verbo que describe l'acción de fer a siega ye «segar».

En l'actualidat ye un proceso muit mecanizau en os países desarrollaus, pero tradicionalment s'ha feito de forma manual, o que representaba un treballo duro y que implicaba a buena cosa de personas como mano d'obra. Os cerials como o trigo y l'hordio han estau a base d'a producción agricola y de l'alimentación humana dende o Neolitico, o que convierte a la siega en un d'os eventos más importants d'o ciclo anyal.

A siega se fa en o verano y concentra la mayor parte d'a mano d'obra agricola en os meses de chunio y chulio, anque ta seguntes qué especies de cerials y en qué puestos, puede avanzar-se a las zaguerías de mayo. Como tradicionalment se i precisaba toda la mano d'obra que estase posible, guarda una relación estreita con a orichen d'as vacacions estivals de as escuelas, pus dica no fa guaires decadas no yera raro que os ninos disen t'achudar a sus pais en ista fayena.

Se veiga tamién[editar | editar código]