Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Se prepara freyindo en aceite d'oliva as trunfas peladas y talladas en trocetz u laminas, a sobén tamién con cebolla tallada y a vegadas con bel allo. A parti, se baten os uevos. Dimpués s'adhiben as trunfas escorridas a os uevos, se remena y a mezcla se chita a la sartaina sin tornar a remenar-ne, primero se fa d'un costau y dimpués de l'atro. A proporción de trunfas y uevo no ye fixa y puet variar licherament seguntes os gustos y a zona, pero gosa estar arredol d'un kilo de trunfas, u quatre trunfas grans, por cada meya dotzena de uevos. As tortiellas de trunfas tamién se pueden preparar mas u menos gordas a o gusto. Bi ha variedatz d'ista tortiella que portan allo y atras sin de cebolla.
A tortiella de trunfas se troba en bellas tabiernas y chicotz restaurants como tapa, pincho u farsiu d'entropán. Se presenta normalment en forma d'una sección de tortiella gorda dencima d'un platet con una chicota forqueta. Se puet fer tamién servir como canapé tallando-la a daus y punchando cada dau con un escavadients. Encara que se conserva muito tiempo sin refricherar, a lei actual obliga a guardar-la refricherada y a utilizar uevos esterilizaus en istos establimientos, ta disminuyir o riesgo de salmonelosi.
Istas tortiellas se pueden preparar substituyindo parti u toda a trunfa por carbaceta, alberchena, pimento u atras hortalicias.
