Tortallada

Tortallada
Localidat d'Aragón
Entidat  • País  • Provincia  • Comarca  • Municipio	Lugar Aragón  Teruel Comunidat de Teruel Teruel
Población  • Total	88 hab. (2013)
Altaria	934 m.
Distancia  • 10 km	enta Teruel
Codigo postal	44001

Tortallada (Tortajada en castellán) ye un barrio rural de la ciudat de Teruel.

Historia

Fizo part de la Sexma del Campo de Visiedo de la Comunidat de Teruel.

Toponimia

Lo toponimo Torre Tallada u Tortallada provién de TURRIS ("torre") y TALEATAM ("tallada"). En Daroca bi ha un mas dito "Torre Tallada". En La Font de la Figuera bi ha una fortificación dita Torre Tallada.

La mención en un texto relativo a la Orden de Sant Chaime en la redolada ye una de las primeras que trobamos sobre esta localidat. S'escribe latinizau como Turrem Tallatam por estar transparent en aragonés:

omnem hereditatem meam quam habeo de Dornos usque ad Turrem Tallatam et ad Villam Aspissam

Tamién trobamos este toponimo latinizau como Turrem Tallatam lo 14 d'abril de 1212 quan baixo Remón de Castrocol lo bispato de Zaragoza, lo concello de Teruel y lo capítol eclesiastico de Teruel facioron una concordia sobre las decimas d'uns quantos lugars de Teruel:

Eodem modo ecclesie sancti Michaelis et sancti Johannis recipiant in perpetuum omnia jura de Mechita, Villar cremado, canyadavellida, Aldea Sancti Ximenez, Val de cebro, las parras, Sum del Porto, Canada Garsie Luppiz, pobo, Turre de carcere, Covas del rocin, Turrem tallatam, Martin, et de Menta. (14 d'abril de 1212)

En "Rationes decimarum Hispaniae (1279-80): Aragón y Navarra" s'escribe Tortaiata en latín. En uns quantos textos medievals escritos en latín u en aragonés se gosa trobar como Tortayada. En lo sieglo XV s'escribiba como Tortaiada en los textos escritos en romance. Manimenos l'apelliu orichinau en esta localidat si que se troba como Tortallada en textos medievals, y actualment ye común en lo Rincón d'Ademuz como Tortajada.

Puestos d'intrés

• Laguna de Tortallada, d'orichen karstico.