Tortallada

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Tortallada
Lugar d'Aragón
Entidat
 • País
 • Provincia
 • Comarca
 • Municipio
Lugar
 Aragón
 Teruel
Comunidat de Teruel
Teruel
Partiu chudicial Teruel
Población
 • Total

88 hab. (2013)
Altaria
 • Meyana

934 m.
Distancia
 • 10 km

enta Teruel
Codigo postal 44162
Parroquial
 • Diocesi
 • Arcipestrau

Teruel y Albarracín
Teruel
Coordenadas
Tortallada ubicada en Aragón
Tortallada
Tortallada
Tortallada en Aragón

Tortallada (Tortajada en castellano) ye un barrio rural de la ciudat de Teruel.

Historia[editar | modificar o codigo]

Fizo part de la Sexma del Campo de Visiedo de la Comunidat de Teruel.

Toponimia[editar | modificar o codigo]

Lo toponimo Torre Tallada u Tortallada provién de TURRIS ("torre") y TALEATAM ("tallada"). En Daroca bi ha un mas dito "Torre Tallada". En La Font de la Figuera bi ha una fortificación dita Torre Tallada.

La mención en un texto relativo a la Orden de Sant Chaime en la redolada ye una de las primeras que trobamos sobre esta localidat. S'escribe latinizau como Turrem Tallatam por estar transparent en aragonés:

omnem hereditatem meam cuam habeo de Dornos usque ad Turrem Tallatam et ad Villam Aspissam[1]

Tamién trobamos este toponimo latinizau como Turrem Tallatam lo 14 d'abril de 1212 cuan baixo Remón de Castrocol lo bispato de Zaragoza, lo concello de Teruel y lo capítol eclesiastico de Teruel facioron una concordia sobre las decimas d'uns cuantos lugars de Teruel:

Eodem modo ecclesie sancti Michaelis et sancti Johannis recipiant in perpetuum omnia jura de Mechita, Villar cremado, canyadavellida, Aldea Sancti Ximenez, Val de cebro, las parras, Sum del Porto, Canada Garsie Luppiz, pobo, Turre de carcere, Covas del rocin, Turrem tallatam, Martin, et de Menta.[2] (14 d'abril de 1212)

En "Rationes decimarum Hispaniae (1279-80): Aragón y Navarra" s'escribe Tortaiata en latín. En uns cuantos textos medievals escritos en latín u en aragonés se gosa trobar como Tortayada. En lo sieglo XV s'escribiba como Tortaiada en los textos escritos en romance. Manimenos l'apelliu orichinau en esta localidat si que se troba como Tortallada en textos medievals, y actualment ye común en lo Rincón d'Ademuz como Tortajada.

Puestos d'intrés[editar | modificar o codigo]

Referencias[editar | modificar o codigo]

  1. (es) Anna Mur i Raurell: La Encomienda de San Marcos: la Orden de Santiago en Teruel (1200-1556). Instituto de Estudios Turolenses, 1988, p 331
  2. (es) Alberto López Polo: El Capítulo de Racioneros de Teruel. Revista Teruel, nº 25, chinero-chunio de 1961, p 197