Tititea

De Biquipedia
Ir a la navegación Ir a la búsqueda
Tititea
Mount Aspiring
Mount Aspiring, Otago, New Zealand, 22 July 2005.jpg
Situación
Situación Flag of New Zealand.svg Nueva Zelanda
Latitut 44°23′S
Lonchitut 168°43′E
Cheografía
Cordelera Alpes d'o Sud
Sierra {{{sierra}}}
Macizo {{{macizo}}}
Altaria 3.033 m
Primera puyada
Ruta mas fácil
Mapa
New Zealand relief map.jpg
Montanya.svg

O Tititea (en maorí Tititea, en anglés Mount Aspiring) ye a montanya mas alta de Nueva Zelanda difuera d'a rechión d'o mont Cook.

Descripciónn[editar | editar código]

Se troba aintro d'o Parque Nacional d'o Mont Aspiring, en Otago, y tien una altaria de 3.033 m. Os maorís le dicen Tititea, que puet traducir-se como o Pico que brila. O suyo nombre en anglés lo metió en aviento de 1857 o chefe de topografía d'a provincia d'Otago, John Turnbull Thomson.[1] Ye conoixiu tamién como o "mont Cervino d'o Sud", por a suya forma piramidal si se veye dende o río Matukituki. A primera puyada la facioron o comandant Bernard Head y os guidas Jack Clarke y Alec Graham o 23 de noviembre de 1909. A expedición de Head puyó a la tuca a traviés d'una cresta en a parte occidental dende a chelera Bonar, una rota que no se tornó a repetir dica 1965.[2]

O Tititea ye situau una mica a l'ueste d'a división prencipal entre as dos versants d'os Alpes d'o Sud, 30 kilometros a l'ueste d'o laco Wanaka.[1] Se troba en a intersección de tres grans sistemas glaciars — a chelera Bonar, que desemboca en o río Waipara, y as cheleras Volta y Therma, que rematan en o río Waitoto. O Waipara ye un afluyent d'o río Arawhata, y os dos, o río Arawhata y o río Waitoto desembocan en a costa ueste entre Haast y Jackson Bay.

Escalada[editar | editar código]

A rota mas tipica ta puyar a o mont Aspiring ye puyar a traviés d'a val occidental d'o Matukituki, que se troba a la fin d'una carretera de 50 kilometros que va dende Wanaka dica Raspberry Flat. Dende astí un rete de cubilars ufre puntos de descanso ta os escaladors.

O primer d'istos ye o Mount Aspiring Hut, que ye a 8 kilometros (u alto u baixo dos horas a piet) dende o fin d'a carretera. O siguient cubilar se troba a 8-12 horas difuera d'a pista prencipal. Dende a fin d'a pista ye posible puyar por a Creta francesa (French Ridge) y trescruzar a chelera Bonar, u bien puyar por o collau de Bevan Col dica a chelera Bonar. As dos opcions requieren de buenos conoiximientos de tecnicas de escalada y travesía a traviés de glaciars. Muitos escaladors optan por plegar dica a zona en helicoptero, ya que l'aproximación dica a base ye dura.

Referencias[editar | editar código]

  1. 1,0 1,1 Wises New Zealand Index, 7th Edition, 1979. p. 15.
  2. Logan, H. (1990) 'Great peaks of New Zealand', New Zealand Alpine Club, Wellington, and John McIndoe Limited, Dunedin, New Zealand, ISBN 0-86868-125-3.

Vinclos externos[editar | editar código]