The Trench (cinta)
- Iste articlo ye sobre una cinta de cine belico anglo-francesa de l'anyo 1999; ta atros usos, se veiga The Trench.
.svg){kind=small}
The Trench (títol orichinal en anglés, en aragonés A trinchera, enguerada en Aragón con iste zaguer títol) ye una cinta de cine de drama belico de l'anyo 1999 coproducida por o cine britanico y lo cine francés, dirichida por William Boyd seguntes un guión orichinal d'él mesmo, con una banda sonora orichinal d'Evelyn Glennie y Greg Malcangi, una dirección de fotografía de Tony Pierce-Roberts y una producción cinematografica de Steve Clark-Hall ta las productoras Portman Entertainment Group, Skyline Films, British Screen Productions, Arts Council of England, Blue PM, Bonaparte Films, Canal+ y Galatée Films. Conta con un elenco d'actors d'o cual en fan parte, en os suyos papels principals, Paul Nicholls, Daniel Craig, Julian Rhind-Tutt, Danny Dyer, James D'Arcy, Tam Williams, Anthony Strachan, Michael Moreland, Adrian Lukis, Ciarán McMenamin, Cillian Murphy, John Higgins y Ben Whishaw.
En chulio de l'anyo 1916, en os días inmediatament anteriors a la batalla d'o Somme en eo Frent Occidental mientres a Primera Guerra Mundial, la cinta amuestra la ituación d'un grupo de militars de l'exercito britanico que vienen de plegar en una trinchera en primera linia d'o frent. O cabo Dell s'adedica a logar a suya colección de fotografías pornograficas, y lo soldau Billy MacFarlane li conta a su chirmano Eddie que una d'as mesachas que i amanixen creye que ye una mesacha de Liverpool que heban conoixiu d'antes mas. O sarchento Winter interrumpe la visualización d'as imáchens, y dimpués charra con o suyo superior, o tenient Harte, qui li informa que la suya unidat ha estau designada ta fer parte d'un ataque, marchando contra las tropas de l'Imperio alemán en a tercera oliada d'ataque y que en consecuencia la unidat tiendrá bien picas baixas en l'ataque. Ixa nueit Eddie fa funcions de guaita, pero li renega lo sarcento, porque lo troba mirando las linias alemanas por un forau d'o parapeto d'a trinchera y li diz que los francotiradors podeban disparar-li. A lo día siguient, os soldaus li fan la mosca a Eddie ta que torne a mirar y, en fer-lo, recibe un recibe un disparo que li provoca ferida en a maixiella y en o cuello. Bien luego plega un coronel, qui arenga a los soldaus ta l'ataque. Bien Billy troba a dos soldaus a qui heban ninviau a fer una chestoón literalment espiazaus y desintegraus por un impacto directo d'artillería. De nueit, ninvían a lo sarchento Winter y a Beckwith de patrulla, y tornan constatando que a tamas d'os bombardeyos sufrius, os alemans tienen alta la moral y no han teniu baixas. En ixas condicions, finalment plega lo momento de l'ataque.
A cinta s'ambienta en l'anyo 1916 en o departamento d'o Somme, y las suyas escenas se filmoron en os Bray Film Studios en Windsor (Berkshire).[2]
Se tracta d'una cinta que ha recibiu bels premios y nominacions, encara que garra d'istos premios no fe parte d'os principals premios cinematograficos.
Elenco[3][editar | modificar o codigo]
| Actor | Papel | Notas |
|---|---|---|
| [[]] | ' |
Se veiga tamién[editar | modificar o codigo]
Referencias[editar | modificar o codigo]
- ↑ 1,0 1,1 (en) Enguero de The Trench en Internet Movie Database.
- ↑ (en) Localizacions de The Trench en Internet Movie Database.
- ↑ (en) The Trench en Internet Movie Database.
- Cintas por títol
- Cintas de 1999
- Cintas ambientadas en Somme
- Cintas ambientadas en 1916
- Cintas con banda sonora orichinal d'Evelyn Glennie
- Cintas con banda sonora orichinal de Greg Malcangi
- Cintas con dirección de fotografía de Tony Pierce-Roberts
- Cintas con guión de William Boyd
- Cintas con montache de Jim Clark
- Cintas con montache de Laurence Méry-Clark
- Cintas de cine belico
- Cintas de cine de drama
- Cintas de Francia
- Cintas d'o Reino Uniu
- Cintas dirichidas por William Boyd
- Cintas en alemán
- Cintas en anglés
- Cintas interpretadas por Adrian Lukis
- Cintas interpretadas por Anthony Strachan
- Cintas interpretadas por Ben Whishaw
- Cintas interpretadas por Ciarán McMenamin
- Cintas interpretadas por Cillian Murphy
- Cintas interpretadas por Daniel Craig
- Cintas interpretadas por Danny Dyer
- Cintas interpretadas por James D'Arcy
- Cintas interpretadas por John Higgins
- Cintas interpretadas por Julian Rhind-Tutt
- Cintas interpretadas por Michael Moreland
- Cintas interpretadas por Paul Nicholls
- Cintas interpretadas por Tam Williams
- Cintas producidas por Steve Clark-Hall
- Cintas rodadas en Windsor (Berkshire)
- Cintas de cine sobre a Primera Guerra Mundial