The Mission (cinta de 1986)

Iste articlo ye sobre una cinta britanica de l'anyo 1986 d'aventuras de drama historico; ta atros usos, se veiga The Mission y The Mission (cinta).

The Mission
Títol	The Mission
Póster d'a cinta.
Ficha tecnica
Dirección	Roland Joffé
Dirección artistica	Norman Dorme John King George Richardson
Producción	Fernando Ghia David Puttnam Máximo Berrondo
Disenyo de producción	Stuart Craig Jack Stephens
Guión orichinal	Robert Bolt
Musica	Ennio Morricone
Soniu	Ian Fuller Bill Rowe Clive Winter
Fotografía	Chris Menges
Montache	Jim Clark
Vestuario	Enrico Sabbatini
Efectos especials	Peter Hutchinson
Casting	Susie Figgis Juliet Taylor
Actors	Robert De Niro Jeremy Irons Ray McAnally Aidan Quinn Cherie Lunghi Ronald Pickup Chuck Low Fred Melamed Monirak Sisowath Liam Neeson Bercelio Moya Sigifredo Ismare Asunción Ontiveros Alejandrino Moya Daniel Berrigan Rolf Gray Álvaro Guerrero
Datos y cifras
País(es)	Reino Uniu
Anyo	1986
Debantadera	16 de mayo de 1986 Festival Internacional de Cine de Canas (Canas, Provenza-Alpes-Costa Azul, Francia)
Chenero(s)	Cine d'aventuras Cine de drama Cine historico
Durada	125 min.
Idioma(s)	Anglés Latín Guaraní Castellano
Companyías
Productora(s)	Goldcrest Films
Distribución	Columbia Pictures Cannon Films Warner Bros.
Presupuesto	16,5 millons de libras
Recauto	17,2 millons de libras
Informacions en bases de datos especializadas:

The Mission (títol orichinal en anglés, en aragonés A misión, enguerada en Aragón con o suyo títol traduciu enta lo castellano como La misión) ye una cinta de cine d'aventuras de drama historico de cine britanico enguerada l'anyo 1986, dirichida por Roland Joffé, con un guión orichinal de Robert Bolt, una banda sonora orichinal d'Ennio Morricone y una producción cinematografica de Fernando Ghia, David Puttnam y Máximo Berrondo ta las productoras Columbia Pictures, Cannon Films y Warner Bros.. Conta con un elenco formau, en os suyos papels principals, por os actors Robert De Niro, Jeremy Irons, Ray McAnally, Aidan Quinn, Cherie Lunghi, Ronald Pickup, Chuck Low, Fred Melamed, Monirak Sisowath, Liam Neeson, Bercelio Moya, Sigifredo Ismare, Asunción Ontiveros, Alejandrino Moya, Daniel Berrigan, Rolf Gray y Álvaro Guerrero.

En os anyos 1750, un mosén miembro d'a Companyía de Chesús, mosén Gabriel, penetra en as selvas tropicals d'o Paraguai ta convertir a los guaranís a lo cristianismo. En primeras ninvía a un atro mosén, pero bien luego iste muere clavau en una cruz y aventau en as cataractas de l'Iguazú.Alabez, mosén Gabriel opta por marchar él mesmo enta l'interior, y nomás que trescruza las cataractas prencipa a tanyer l'oboe, atrayendo con a suya musica a los guaranís, que l'acceptan. Simultaniament, Rodrigo Mendoza s'adedica a cazar a los guaranís ta convertir-los en esclavos (motivo por o cual os guaranís s'amuestran tan belicherants) y cuan su novia li diz que ye enamorada d'o suyo chirmanastro Felipe, lo mata en un duelo. Afectau finalment por os suyos actos, finalment accepta fer penitencia en mans de mosén Gabriel, acompanyando a los chesuitas a la suya misión en territorio guaraní en fardiando las suyas armas y armaduras con gran treballo, dica que troban a los guaranís. Istos en primeras amuestran inconia, pero bien luego lo perdonan y conoix a misión chesuita, con a suya organización en beneficio d'is guaranís. Tanimientres, o Tractau sinyau en Madrit en 1750 cede lo territorio a on se troban as misions, que dica l'inte feban parte d'Espanya a on no existiba la esclavitut, a lo reino de Portugal, que considera a los guaranís como nomás que aptos ta convertir-se en esclavos. O cardenal Altamirano, que tamién ye chesuita, plega en a rechión ta decidir si las misions han de continar u han d'estar desmanteladas. Se troba en una situación bien difícil, porque l'intrés d'as autoridaz colonials ye de ceder ixos territorios ta aproveitar la posibilidat d'esclavizar a los guaranís pero se troba tamién baixo la menaza d'a expulsión d'os chesuitas d'Espanya, como ya s'ha escaiciu en Portugal con a supresión y expulsión d'a orden. Mosén Gabriel, aduyau por Mendoza, manifiestan a suya voluntat de defensar a las misions, y mesmo bels sacerdoz (amás de Mendoza) afirman estar disposaus a emplegar as armas.

A cinta s'ambienta en Brasil y Paraguai en os anyos 1750 y las suyas escenas se filmoron en o Parque Nacional Iguazú y en as cataractas de l'Iguazú en a provincia de provincia de Misiones en Archentina, en Don Dieguito en o departamento de Magdalena y en Cartagena de Indias en Bolívar en Colombia y en o Parque Nacional Iguaçu en Paraná en Brasil, amás d'en o en o río Paraná en Brasil, Archentina y Paraguai y en o río Iguaçu en Brasil, y en Kent en o Reino Uniu.

Se tracta d'una cinta que ha recibiu cuantos premios y nominacions, en destacado un Premio Oscar a la Millor Fotografía en a suya 59^ena edición, amás d'atras seis nominacions (Millor Cinta, Millor Director, Disenyo de Producción, Millor Disenyo de Vestuario, Millor Montache y Millor Banda Sonora Orichinal); tres Premios BAFTA (Millor Actor Segundario, Millor Montache y Millor Banda Sonora) en a suya 40^ena edición, amás d'ueito nominacions (Millor Cinta, Millor Director, Millor Guión Orichinal, Millor Fotografía, Millor Disenyo de Vestuario, Millor Disenyo de Producción, Millor Soniu y Millors Efectos Especials); una nominación a lo Premio César a la Millor Cinta Forana en a suya 12^ena edición; y dos Premios Globos d'Oro (Millor Guión y Millor Banda Sonora Orichinal en a suya 44^ena edición, amás d'atras tres nominacions (Millor Cinta Dramatica, Millor Actor Dramatico y Millor Director).

Elenco

Actor	Papel	Notas
[[]]	'

Se veiga tamién

• Cine en 1986.
• Cintas de 1986.