Astrolochía
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
L' Astrolochía[1] ye un conchunto de tradicions y creyencias que sostienen que a posición d'os cuerpos celestes aporta informacions que permiten d'analizar u de predecir escayeiximientos humans, colectivos u individuals.
Bi ha diferents tradicions astrolochicas. L'astrolochía conoixida en occident se puet considerar una pervivencia pagana que sobrevivió a la cristianización, y feba part d'a ciencia d'os griegos aleixandrins, que replegaba una tradición que se remonta a astrolochía echipcia y babilonica.
Con a naixiencia d'a ciencia experimental moderna l'astrolochía s'ha convertito en o que os cientificos consideran una pseudosciencia.
Mencions a l'astrolochía en fuents aragonesas
[editar | modificar o codigo]En a Edat Meya l'astrolochía teneba una buena consideración, y en bels textos medievals aragoneses, sobre tot as traduccions heredianas, podemos trobar referencias a astrologos, estrologos, estrologianos y a l' astrología (a g representa o fonema d'a ch en a ortografía medieval.
Astrolochía, Etimolochía y Teolochía son as solas palabras compuestas con a palabra -lochía que trobamos en textos aragoneses medievals. As formas con xeada tipo astroloxía, etimoloxía, teoloxía son de l'aragonés escrito de fins d'o sieglo XX y producto de malas adaptacions a l'aragonés ("neoaragonés") baixo a creyencia erronia que prenendo una palabra castellana con j se fa aragonesa cambiando a j por a x.
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
