Tchang

De Biquipedia
Ir a la navegación Ir a la búsqueda
Tchang
Tchang Tchong-Jen
Tchang Tchong-Jen
Información personal
Ocupación: Scientifico
Personache de cómic
Cómic: As aventuras de Tintín
Debuixant: Hergé
Anyo: 1936

Tchang (en francés Tchang Tchong-Jen u simplament Tchang, en chinés 張仲仁, pinyin Zhāng Zhòngrén) ye un personache de ficción d'a serie de cómic As aventuras de Tintín, creyada por o dibuixant belga Hergé. Ye un mesache chinés amigo de Tintín que apareixe por primera vegada en Le Lotus bleu. Ye l'unico personache que s'interpreta a ell mesmo, ya que en a vida real Tchang Tchong-Jen yera un choven chinés que estudeaba artes polidas en Bruselas; Hergé se metió en contacto con ell pa conoixer una mica mas a realidat de China.

Biografia de ficción[editar | editar código]

Tchang Tchong-Jen, mas conoixiu como Tchang, ye de caracter amable, simpatico, servicial y con una gran humanidat. Tchang perdió a os suyos pais en o desbordamiento d'o río Yangtze; estando mientras ista tamborinada quan Tintín le salvó quan yera a punto d'afogar-se y se conoixioron.[1]

O personache y trachectoria editorial[editar | editar código]

Apareixe en Le Lotus bleu, una d'as histories mas reals d'Hergé. De feito, a suya aparición estió clau pa dibuixar una d'as suyas vinyetas mas famosas.

O pai Gosset, lector de Tintín y protector d'os estudiants chineses d'a Universitat Catolica de Lovaina, contactó con Hergé pa meter-le a corrient d'o prechuicios d'a sociedat occidental d'ixas envueltas contra a cultura chinesa y le metió en contacto con un choven chinés que estudeaba artes polidas, Tchang Tchong-Jen, con qui establiría ascape una fuerte amistanza y qui l'explicó a historia, a cultura y l'arte de China.[2] Hergé aproveitó pa denunciar en Le Lotus bleu a ocupació a que yera sometiu o país oriental por parti d'o Imperio Chaponés y a corrupció que yera patindo, tot adhibindo mensaches antiimperialistas.

O personache, amás, ye clau en Tintin au Tibet, a on o reportero, convenciu de que o suyo amigo ha sobreviviu a un l'accident d'avión en o Himalaya, va a escar-lo arrisgando a suya vida y la d'o suyo companyero, o capitán Haddock.

Referencias[editar | editar código]

  1. (ca) "El Diccionari de Tintin". Toni Costa. Joventut, Barcelona, 1987, ISBN 84-261-2274-4
  2. (fr) "Tchang". Herge/Moulinsart, Èditionsmoulinsart, 2015, ISBN 978-84-684-2537-5