Sufixo -ueco

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

O sufixo -ueco ye present en aragonés y atras luengas neolatinas y no ye d'orichen latín. A sobén se troba lexicalizau acompanyando a radicals d'orichen prerromán, pero tamién se troba como sufixo productivo acompanyando a parolas d'orichen latín u romanz. Se remontaría a una forma hipotetica *-OCCU, y que puet presentar-se monoptongau, sobre tot en benasqués, en continuidat cheografica con o cognato catalán -oc.

Sufixo -ueco en parolas d'orichen prerromán

• Ballueca/Balloca.
• Berrueco (Borruco en aragonés ribagorzano).
• Pullueco.

Sufixo -ueco en palabras d'orichen latín u romanz

• Bachoca.
• Badoc.
• Batueco, derivau de batir.
• Ranueco, derivau de rana.
• Torrueco/Torroco, derivau de l'aragonés tierra u d'o latín TERRA.

No en ye un caso de sufixación Pinarueco, microtoponimo de La Canyada de Benatanduz tamién escrito Pinar Hueco u Pinarhueco. Hueco en terminolochía forestal hispana significa "sin matigal" entre los pins altos y ixemenaus.

Bibliografía

• (es) Chabier Tomás Arias: El aragonés del Biello Sobrarbe. Instituto de Estudios Altoaragoneses. (1999)
• (es) David A. Pharies: Diccionario Etimológico de Los Sufijos Españoles: Y de Otros Elementos Finales Volumen 25 de Biblioteca románica hispánica. Gredos, Editorial, S.A., 2002 ISBN 8424923391, 9788424923396.

• Datos: Q20618983