Star Trek III: The Search for Spock

De Biquipedia
Ir a la navegación Ir a la búsqueda
Star Trek III: The Search for Spock
Ficha tecnica
Dirección Leonard Nimoy
Producción Harve Bennett
Guión Harve Bennett
Musica James Horner
Fotografía Charles Correll
Montache Robert F. Shugrue
Actors William Shatner
DeForest Kelley
James Doohan
George Takei
Walter Koenig
Nichelle Nichols
Merritt Butrick
Christopher Lloyd
Datos y cifras
País(es) Estaus Unius
Anyo 1984
Chenero sciencia ficción
Durada 105 min.
Companyías
Destribución Paramount Pictures
Presupuesto 16 millons de dólars

Star Trek III: The Search for Spock (títol orichinal en anglés, estenata en Aragón con o títol en castellán Star Trek III: en busca de Spock) ye una cinta estausunidense de cine de sciencia ficción de l'anyo 1984, endrezada por Leonard Nimoy y producida por Harve Bennett con guión de Harve Bennett, protagonizada por William Shatner, DeForest Kelley, James Doohan, George Takei, Walter Koenig, Nichelle Nichols, Merritt Butrick y Christopher Lloyd.[1]

Reparto[editar | modificar o codigo]

Argumento[editar | modificar o codigo]

A nau espacial Enterprise d'a Federación torna ent'a Tierra dimpués d'una batalla con o sobrehumán Khan Noonien Singh, qui intentó destruyir l'Enterprise esclatando un dispositivo experimental de terraformación conoixiu como Chenesi. As victimas d'a baralla incluyen a l'amigo vulcaniano de l'almirant James T. Kirk, Spock, que o suyo atabul estió lanzau a l'espacio y finalment aterrizó en a planeta creyada por o Dispositivo Chenesi. En arribar a lo puerto espacial d'a Tierra, o doctor Leonard McCoy prencipia a actuar de traza extranya y ye deteniu. O comandant d'a Flota Estelar, l'almirant Morrow, visita l'Enterprise y informa a la tripulación que a nau será esparada; a tripulación recibe instruccions de no charrar sobre Chenesi a causa d'as conseqüencias politicas sobre o dispositivo.

David Marcus (Merritt Butrick), fillo de Kirk y scientifico clau en o desembolique de Chenesi, y o tenient Saavik (Robin Curtis) son investigando o planeta Chenesi a bordo d'a nau scientifica Grissom. En descubrir una forma de vida inasperada en a superficie, Marcus y Saavik se transportan a la planeta. Troban que o Dispositivo Chenesi ha resucitau a Spock en forma de nino, encara que a suya ment no ye present. Marcus admite que fazió servir protomateria inestable en o desembolique d'o Dispositivo Chenesi, lo que provocó que Spock aviellise rapidament y significa que a planeta será destruida en bellas horas. Entremistanto, Kruge (Christopher Lloyd), o comandant d'una nau klingon, intercepta información sobre Chenesi. Reconoixendo lo potencial d'o dispositivo como arma, leva a suya nau amagada a la planeta Chenesi, destruye a nau Grissom y busca supervivients en a planeta.

O pai de Spock, Sarek (Mark Lenard), s'enfrontina a Kirk sobre a muerte d'o suyo fillo. A parella s'entera de que antis de morir, Spock transfirió a suya katra, u esprito vivient, a McCoy. O katra y o cuerpo de Spock son necesarios pa que descanse en o suyo mundo natal, Vulcan, y sin aduya, McCoy morirá por levar-lo. Desobedeixendo as ordens, Kirk y os suyos oficials quitan a McCoy d'a detención, desactivan l'USS Excelsior y furtan l'Enterprise d'o Puerto Espacial pa tornar ent'a planeta Chenesi y recuperar o cuerpo de Spock.

En Chenesi, os klingon capturan a Marcus, Saavik y Spock, y antis que Kruge pueda interrogar-los, a suya nau indica que l'Enterprise ha plegau.

En orbita, l'Enterprise sin tripulación inicialment gana a partida en a batalla, pero os klingons tornan o fuego y desactivan a nau. En l'enfrontinamiento que sigue, Kruge ordena que un d'os ostaches en a superficie sía executau. Marcus muere desfendendo a Saavik y Spock. Kirk y companyía finchen rendir-se y activan a seqüencia d'autodestrucción de l'Enterprise, matando a lo grupo d'abordache Klingon entre que a tripulación de l'Enterprise se transporta a la superficie d'a planeta. Prometendo lo secreto de Chenesi, Kirk atraye a Kruge a la planeta y fa que Kruge leve a la tripulación de Kirk a la nau klingon. A medida que a planeta Chenesi se desintegra, Kirk y Kruge se barallan a punyadas; Kirk sale victorioso dimpués de patiar a Kruge dende una cingla enta un fluxo de lava. Kirk y os suyos oficials prenen o control d'a nau klingon y s'endrezan enta Vulcan.

Astí, o katra de Spock s'achunta con o suyo cuerpo en un procedimiento perigloso clamau fal-tor-pan. Manimenos, a ceremonia tien exito y Spock resucita encara que os suyos recosiros son esflecaus. Debant d'a indicación de Kirk, Spock recuerda que se referiría a Kirk como "Jim" y tamién reconoixe a la tripulación. Os suyos amigos s'achuntan con goyo a lo suyo arredol.

Referencias[editar | modificar o codigo]

  1. (en) Star Trek III: en busca de Spock en Fotogramas.es