Spirou Basket Club

De Biquipedia
Ir a la navegación Ir a la búsqueda

Proximus Spirou
Proximus Spirou logo.png
Datos
Nombre oficial Spirou Basket Club
Embotada(s) Les Spirous
Establito 1989
Colors Negro, royo, blanco
              
Instalacions
Centro esportivo RTL Spiroudome
Localidat Charleroi
Capacidat 6.300
Devantad. 5 d'abril de 1992
Dirección
President Belchica Jean-Jacques Cloquet
Manager cheneral Belchica Vincent Stavaux
Entrenador Estatos Unitos Brian Lynch
Entr. asistents Belchica Kristof Michiels
Títols
Nacionals 10 Liga belgas
5 Copa de Belchica
4 Supercopa de Belchica
Competición
Liga Ligue Ethias
2016-17 5eno
Pachina oficial d'o club
Equipacions
Kit left arm none.png Kit body red halfshoulders.png Kit right arm none.png
Kit shorts.svg
Kit socks.svg
Primera Equipación
Kit left arm none.png Kit body red halfshoulders.png Kit right arm none.png
Kit shorts.svg
Kit socks.svg
Segunda Equipación

O Spirou Basket Club, conoixito comercialment con o nombre de Proximus Spirou Charleroi, ye un club belga de baloncesto, establito en l'anyo 1989. Chuga en a Basketball League Belgium (BLB), conoixita tamién como Scooore League, en l'anyada 2017/18 y en o Spiroudome d'a ciudat de Charleroi como equipe local.

Historia[editar | editar código]

As primeras anyadas[editar | editar código]

O Spirou Charleroi fue establito en 1989, a partir de un equipe de Monceau. Clamato "Spirou Monceau" en 1988, dimpués conoixito como "Spirou Charleroi" con a puyata a primera división en 1989, o club carolo[1] vivió un exito sin precedents.

En a anyada 1992-93, con l'arribada de l'entrenador Giovanni Bozzi, o equipe remató tercero en a fase regular d'o campionato. Dimpués se clasificó ta a final d'os play-offs, an trafegó contra o Racing de Malines (o millor equipe belga d'os anyos 80 y en o prencipio d'os 90) por 3-2.

L'anyo siguient Spirou chugó, por primera vegada, en a competición europeya clamata Copa Korac. Dimpués d'eliminar a o Estrala Lisbona en a primera tornada, Charleroi chuga en a fase de grupos. Iste grupo ye formato por Cantù, KK Zagreb y Fenerbahce Istanbul, rematando-se a temporata con o tercer puesto en a clasificación d'o grupo con dos trunfos.

En a siguient temporata Charleroi s'emologo como o nuevo millor equipe belga ya que remató l'anyada segundo, pero perdió con o Racing de Malines en a final d'os play-offs por 3-2. En a Copa Korac l'equipe fue eliminato por o club griego Peristeri en a primera ronda.

En l'anyada 1995-96, dimpués d'os buenos resultatos d'a fase regular d'o campionato, Charleroi chuga a semi-final d'a fase final con o Racing de Malines. O club flamenco tién en istos intes problemas esportivos y financieros, y o Spirou gana a serie 2-0. A final d'o campionato enfrenta a o equipe carolo con o BC Oostende, primero en a liga regular. Ista ye o primer enfrentamiento entre istos dos equipes, os quals dimpués d'a desaparición de Malines serán os mas importants en a liga belga. En ista ocasión Oostende gana 3-2, estando a tercera vegada que Charleroi pierde a final d'a liga nacional. En a competición europea, o equipe pierde en a primera tornada frent a o equipe turco Ülker İstanbul.

Primers titols[editar | editar código]

En a busca d'o primer lugar en a liga regular; o Spirou ficha, dende o desapareixito equipe de Malines, a lo pivot Eric Struelens, millor chugador d'a historia d'o baloncesto belga.

O efecto Struelens ye immediato y Charleroi remata en o primer puesto d'a clasificación d'a fase regular y gana a Copa de Belchica a o BC Oostende en una final epica que remató 65-63 y dio o primer titol a o equipe carolo.

En a semifinal d'a liga Charleroi s'enfrento a o Okapi Aalstar d'a ciudat de Alost, equipe dificil en o suyo pavillón. Dimpués de perder o primer partito, os carolos ganan en o segundo partito por bells puntos, clasificando-se ta a final d'o campionato por quarta anyada seguita. Ista final d'os play-offs ye un gran momento d'a historia d'o Spirou; ya que dimpués de una victoria difuera, Charleroi gana os dos siguient partitos en a suya casa, conseguindo o suyo primer titol de liga.

En competición europea, por quarta anyada consecutiva en Copa Korac, gana as dos primeras rondas a o equipe portugués Ovarense Basquetebol y o chicot club de Brtojno (69-118 difuera y 141-68 en casa); dica ser eliminato por o equipe espanyol Estudiantes en a tercera ronda.

L'anyada siguient ye un anyo important en a historia d'o club. Son os campions vichents en Belchica y en Europa son clasificatos ta a maxima competición d'o continent, a Euroliga, dimpués de quatro anyadas en a Copa Korac. Ista anyada 1996-97 ye l'anyo d'a devantadera d'un nuevo pavillón, clamato "La Coupole" (en aragonés: A Cupula), con un espacio VIP y con capacidat ta 3.800 presonas. Tamién prencipia a colaboración con o club Gilly, de segunda división y dende iste momento ye conoixito como "Spirou Gilly".

En l'aria de marketing d'o club prencipian nuevos prochectos como a creyación d'una revista clamata "Spirou" en o centro d'a villa de Charleroi; y a creyación d'a "Golden Card" (Tarcheta Dorata) con a quala os suyos poseyedors teneban muitas ventachas como regalos y discuentos, entre altros. Con ista promoción os abonatos puyan de 200 dica 800.

Os malos resultatos d'os primeros partitos de l'anyada levoron ta a surtida d'o entrenador Eric Struelens, ganador d'o primer titol d'o equipe carolo; y o suyo remplazo estió o polaco Adam Wojcik.

En a liga nacional o Charleroi remata a fase regular en a primera posición; mientres que en a Euroliga o equipe tién mayors problemas. Eliminato en a primera fase d'a competición, a on o equipe s'enfrentó con Cibona Zagreb, Fortitudo Bolonia, Olympiacos, Estudiantes, ALBA Berlin, Olimpia Milano, CSKA Moscú y Maccabi Tel Aviv, unico equipe que ye redotato por o club belga.

Dimpués de perder o titol de copa frent a o BC Ostende, os carolos prencipian os play-offs con muita presión. Dimpués de redotar nuevament a os alostois como l'anyada anterior, s'enfrentan a Ostende en a final d' campionato. Finalment Spirou Charleroi gana 3-0 y obtiene o suyo segundo titol de campión de Belchica.

L'anyada 97-98 prencipió con una mala noticia, con a muerte d'o president Étienne Bertrand. Iste estió un personache muito important en o baloncesto belga, pero os suyos colaboradors premiten a continación d'o prochecto. O entrenador Éric Somme ye o nuevo president d'o club, y baixo o suyo mandato o equipe amilloro os suyos plans esportivos y financieros asinas como os departamentos de marketing y venda.

En lo esportivo l'anyada ye muito buena, rematan primeros en a fase regular y ganan o suyo tercer titol de Campión de Belchica por tres a zero frent a o equipe d'Anvers. En a endrecera europea, en a Copa Saporta, o suyo recorrito ye impresionant: o club remata primero d'o suyo grupo (formato por Den Bosch, KK Zagreb, Patras, Polzela y USK Prague), pero ye eliminato en dieciseisavos de final por os alemans de Rhondorf.

En o anyo 1999 os carolos rematan primers en a fase regular d'a liga, ganan a copa a suya segunda Copa de Belchica y en os play-offs consiguen ganar o suyo quatreno titol dimpués de redotar a Ostende en semifinals y a Anvers en a final d'a competición por tres partitos a uno.

En a Copa Sarpota de l'anyada 98-99 rematan segundo d'o suyo grupo (formato por KK Bosna Sarajevo, Hapoel Jerusalem, Tofas Bursa, Lietuvos rytas y Kormend) y s'enfrenta a o campión vichent en dieciseisavos de final, o CSP Limoges. Dimpués de vencer a dito equipe, en ueitenos de final son eliminatos por o Bennetton Treviso en dos partitos.

Momentos complicatos: 1999-2002[editar | editar código]

L'anyada 99-00 ye menos brilant ta o Charleroi. O equipe pierde a semifinal d'a liga belga frent a o BC Oostende, dimpués de siet finals seguitas; y en competición europea, dimpués d'a suya clasificación ta os dieciseisavos de final como quartreno d'o suyo grupo (formato por AEK Atenas, Saratov, Espoo y Hapoel Jerusalem), ye eliminato por o Pamesa Valencia.

O siguient anyo ye pro aburriu con a redota en a final d'a copa belga contra Oostende y en a final d'a liga contra o mesmo rival por tres a zero. A ran europeo, Charleroi torna a la Euroliga por segunda vegada. En o suyo grupo, con rivals de gran libel (AEK Atenas, TAU Vitoria, Virtus Bolonia, Cibona Zagreb y Sant Petersburgo), nomás consigue dos victorias (contra a Cibona y Sant Petersburgo).

En a temporata 2001-02 o equipe carolo gana a final d'a Copa de Belchica frent a o club de Wevelgem, consiguiendo o suyo tercer titol. Tamién arriba dica a final d'os play-offs d'a liga, pero finalment ye Oostende o campión dimpués de vencer dos a tres en a eliminatoria. Dimpués d'a reforma d'o formato de copas d'Europa, Charleroi chuga en a Euroliga por tercera vegada. En as eliminatorias preliminars o equipe belga gana a o Portugal Telekom Lisbona y a o Hapoel Jerusalem, chugando dimpués en un grupo muito complicato con Unicaja, Benetton Treviso, Maccabi Tel-Aviv, Olympiacos, Efes Pilsen Istanbul, ALBA Berlin y Slask Wroclaw, pero ye eliminato.

Ista anyada tamién s'anuncia a devantadera d'o nuevo pavillón d'a ciudat ta l'anyada 2002-03: o Spiroudôme, uno d'os millors pavillons europeos d'o momento. A suya capacidat ye de 7.500 presonas, con dos restaurants, 9 bars, 2000 plazas d'aparcamiento y más de 20 botigas.

Tornada a l'exito: 2002-2004[editar | editar código]

L'anyada 2002-03 prencipia con o cambeyo de pavillón y o fin d'a etapa de l'entrenador Giovanni Bozzi, dimpués de diez anyos en dito cargo. O nuevo entrenador ye Savo Vucević, o qual procede de Cholet Basket.

Iste anyo o club carolo destruye tot en a competición belga, ganando a copa y a liga, con un equipe menato por os nuevos chugadors como Marcus Faison, André Riddick y Roel Moors. En a liga ganan 39 d'os 40 partitos y vencen en a final a altro equipe valon, o Verviers-Pepinster. En l'ambito europeu, Charleroi chuga en a primera edición d'a Copa ULEB. Remata segundo d'o suyo grupo (formato por Cholet, Leida, Varese, Amsterdam y KK Zadar) y ye eliminato en a segunda fase por o Joventut de Badalona, dimpués de ganar o partito d'ida.

En a temporata siguient, y con un equipe pareixito a l'anyada anterior, Charleroi gana o suyo seiseno titol de campión de Belchica dimpués de vencer a o equipe de Lidje por 3-2. Dimpués de perder nomás quatro partito en a liga regular, en os play-offs tién partitos complicatos en a semifinal frent a o Anvers y en a final con o equipe de Lidje, primer equipe en redotar a os carolos en a suyo pavillón, pero finalment ganan o titol.

En o camín europeu habió un partito muito complicato contra Varese con una peleya entre os chugadors d'os dos equipes y o qual remató con a expulsión de tres chugadors italians y seis chugadors carolos. Charleroi se clasifica ta os uitenos de final frent a l'Estudiantes de Madrit pero ye eliminatos por iste equipe espanyol anque venció en Madrit por 84-91.

Ista anyada ye a primera vegada que o Spiroudôme ye a seu d'a final d'a Copa ULEB. En ista edición s'enfrentan o Real Madrid y o Hapoel Jerusalem, y o millor chugador d'o Hapoel, Tunji Awojobi, ye achustato por Charleroi en l'anyada siguient con l'obchectivo d'amillorar o lugar d'o club belga en Europa.

Nuevos fracasos: 2004-2007[editar | editar código]

En l'anyada 2004-05 o club chuga competición europea (Copa ULEB) por tercera vegada seguita. En ista competición o equipe plega dica quatrenos de final, an ye redotato por o Valencia Basket. Antis, os carolos heban redotato en ueitenos de final a l'equipe bulgaro de l'Academic Sofia y una fase de grupos con rivals como Gravelines Dunkerque, ALBA Berlin, Debrecen, PAOK Salonica y Budućnost Podgorica.

En a liga belga l'anyada de Spirou ye muito mala porque dimpués d'endrezar a competición tot o curso son redotatos en a final d'os playoffs por o equipe d'Anvers por 3-1; y en a Copa de Belchica perdioron en a final frent a l'equipe de Louvain, un modesto equipe.

L'anyada siguient, 2005-06, ye a pior anyada dende a puyata a la primera división belga a finals d'os anyos 80. L'equipe ye finalista en a copa belga frent a Mons y plega cinqueno en a clasificación final d'a liga, no participando en os play-offs por o titol por primera vegada dende 1992. En a Copa ULEB, Charleroi clasifica t'os ueitenos de final dimpués d'una primera fase con un grupo composato por Lucentum Alicante, UNICS Kazan, KK Železnik, Beşiktaş y Queluz; pero ye redotato en ueitenos de final frent a o Dinamo Moscú.

Con l'obchectivo de tornar a conseguir exitos, o club ficha a o entrenador Eddy Casteels. Con el, o equipe remata primero en a liga regular pero ye redotato en semifinals d'os play-offs por Bree en dos partitos seguitos. En Europa participan en a Copa FIBA, a on dimpués de pasar de ronda en a primera fase (en un grupo formato por Dinamo Moscú, Barons Riga y Khimik Youjne) ye redotato en a segunda fase (con un grupo formato por Paniōnios, Türk Telekom y Lokomotiv Rostov).

Dimpués de 2007[editar | editar código]

Nombres Comercials[editar | editar código]

   
  • 2011-2014. Belgacom Spirou.
  • 2014-????. Proximus Spirou.

Plantilla[editar | editar código]

Plantilla 2015/16[editar | editar código]

Proximus Spirou Basket 2015-16
Chugadors Equipe tecnico
Pos. # Nac. Nombre Altaria Peso Procedencia
E 4 Flag of Belgium.svg Diop, Yannick 1,92 m. -kg Cantera
B 5 Flag of Belgium.svg Libert, Alex 1,87 m. -kg Flag of Belgium.svg Verviers-Pepinster
P 6 Flag of Belgium.svg Beghin, Christophe 2,07 m. -kg Flag of Belgium.svg Antwerp Giants
B 7 Flag of Belgium.svg Hamilton, Justin 1,90 m. -kg Flag of Spain.svg Valencia Basket
B 8 Flag of Belgium.svg Lambot, Anthony 1,85 m. -kg Flag of Belgium.svg Essor
A 9 Flag of Belgium.svg Gaudoux, Maxime 2,00 m. -kg Flag of Belgium.svg Liège Basket
A 10 Flag of the United States.svg Baron, Billy 1,88 m. -kg Flag of Lithuania.svg Lietuvos rytas
P 11 Flag of the United States.svg Heath, Jordan 2,08 m. -kg Flag of Belgium.svg Willebroek
AP 12 Flag of Belgium.svg Massot, Sacha 2,04 m. 104 kg Flag of Belgium.svg Antibes
B 14 Flag of Belgium.svg Casero, Tito Sigfredo 1,85 m. -kg Flag of Belgium.svg Excelsior Brussels
P 15 Flag of the United States.svg Baron, Jimmy 1,91 m. -kg Flag of Turkey.svg Banvit
P 20 Flag of Slovakia.svg Fusek, Michael 2,21 m. -kg Flag of Belgium.svg Essor
P 21 Flag of the United States.svg Boxley, Seamus 2,01 m. -kg Flag of Belgium.svg Limburg United
E 22 Flag of Belgium.svg Schwartz, Loïc 1,95 m. -kg Flag of Belgium.svg Limburg United
P 24 Flag of Belgium.svg Tumba, Kevin 2,06 m. -kg Flag of Belgium.svg Leuven Bears
Entrenador Prencipal
Entrenador(s) Asistent(s)
Delegato
Preparador(s) Fisico(s)
  • Flag of Belgium.svg Éric Lambert

Leyenda
  • (C) Capitán
  • (*) Chuega solo en a Euroliga
  • (PE) Pasaporte Europeu
  • Injured Lesionado

Plantilla
Ultima actualización: 17-10-2015

Entrenadors[editar | editar código]

Calendatas Nombre Nacionalidat
1989-1991 André Smets Flag of Belgium.svg Belchica
1991-2002 Giovanni Bozzi Flag of Belgium.svg Belchica
2002-2005 Savo Vučević Flag of Serbia and Montenegro (1992–2006).svg Serbia y Montenegro
2005 David Desy Flag of Belgium.svg Belchica
2006-2007 Edy Casteels Flag of Belgium.svg Belchica
2007-2009 Drazen Anzulovic Flag of Croatia.svg Croacia
2009-2014 Giovanni Bozzi Flag of Belgium.svg Belchica
2014-hue Giovanni Bozzi Flag of Belgium.svg Belchica

Chugadors historicos[editar | editar código]

Historial[editar | editar código]

Anyada Liga Competicions de copa Competicions europeas
Ran Liga Pos. Resultato final Copa Supercopa Ran Liga Resultato
2006–07 1 Liga Ethias 1 Semifinalista
3
FIBA EuroCup
Fase de grupos
2007–08 1 Liga Ethias 1 Campión
2
ULEB Cup
Fase de grupos
2008–09 1 Liga Ethias 1 Campión Campión
2
Eurocup
Top-16
2009–10 1 Liga Ethias 2 Campión Finalista Subcampión
1
Euroliga
Fase de grupos
2010–11 1 Liga Ethias 1 Campión Semifinalista Campión
1
Euroliga
Fase de grupos
2011–12 1 Liga Ethias 3 Subcampión Subcampión
1
Euroliga
Fase de grupos
2012–13 1 Liga Ethias 2 Semifinalista Last 16 -
2
Eurocup
Fase de grupos
2013–14 1 Liga Ethias 3 Quartos de final Semifinalista -
2
Eurocup
Fase de grupos
2014–15 1 Liga Ethias 5 Semifinalista Quartos de final -
2
Eurocup
Fase de grupos

Palmarés[editar | editar código]

Instalacions[editar | editar código]

O club Spirou Charleroi ha tenito diferents pavillons de chuego en a suya historia. O pavillón de Ballens hue ye a seu d'os partitos d'o equipe femenín de baloncesto d'a ciudat, o Spirou Girls Charleroi. Ista ye a lista con os pavillons a on chugó o club:

Pavillón Calendata Capacidat Localidat Imachen
Ballens 1988-1990 1.500 cadieras Monceau-sur-Sambre, circa de Charleroi
La Garenne 1990-1996 2.500 cadieras Charleroi
La Coupole 1996-2002 3.800 cadieras Charleroi
La Coupole de Charleroi
Spiroudôme 2002-hue 6400 cadieras Charleroi
Amvista d'o Spiroudôme

Referencias[editar | editar código]

  1. Nombre popular ta os habitans d'a ciudat de Charleroi

Se veiga tamién[editar | editar código]

Vinclos externos[editar | editar código]