Lidje

	Lidje; Liège ; Luik ; Lüttich
	Localidat de Belchica
	; O río Mosa en o centro d'a ciudat.
Estau; • Rechión; • Provincia	Belchica; Valonia; Lidje
Superficie	69,39 km²
Población; • Total; • Densidat	; 196291 hab. (2014); 2.701 hab/km²
Altaria; • Meyana	; 66 m.
Codigo postal	4000, 4020, 4031, 4032
Ríos	Mosa
Coordenadas	50°38′23″N 05°34′14″E
	Lidje Lidje en Belchica
	Web oficial

Lidje (en valón Lidje, en francés Liège, en neerlandés Luik, en alemán Lüttich) ye una ciudat belga de luenga francesa, en a rechión de Valonia y en a provincia de Lidje, de que ye a suya capital.

A ciudat tien una población de 187.432 habitants en 2006, con una superficie de 69,39 km² y una densidat de población de 2.701 hab/km². A suya aria urbana tien, alto u baixo, 600.000 habitants, y ye a capital economica oficiosa d'a rechión de Valonia. Ye a tercera aria metropolitana de Belchica dimpués de Bruselas y Anvers; y ye a cuatrena ciudat d'o país dimpués d'Anvers, Gant y Tchålerwè.

Toponimia

En fuents medievals aragonesas s'escribe con ortografía francesa. Lo podemos veyer en o Libro d'as Marabillas d'o Mundo y en a Cronica de los Conquiridors:

En aqueill templo estava Carlemaine quoando el angel li traixo la prepucia nuestro seynnor dela circumcision. Et eill la traixo e eyx la capiella a VIIJ legoas de liege. Et depues charles el chauues la fezo traher a poitiers et depues fue traida a chartres.

Atilla, rey de los Hunnos, del qual es fecha mencion de part de suso, seyendo vencido de Ecio maestro del exercitu Romano, passo en Turingia que agora es dicha Liege, que es enla entrada de Alamania, dela qual tierra fue senyor Godofre de Bullon: et vendio la ala eglesia pora conquerir la tierra santa de el regno de Iherusalem.