Sobinas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Escarabacho tripa t'alto u «ensopinau».

En sobinas u sopinas ye una posición de tripa t'alto de a cual en ye difícil salir. A parola como tal ye probablement desusada y de regular no s'emplega si que baixo a forma de locución adverbial ser/estar en sopinas, u mas a sobén baixo a forma d'o verbo ensobinar/ensopinar («meter tripa t'alto» p. ex. o latón en a matacía), que tamién tiene forma reflexiva: ensobinar-se/ensopinar-se («quedar-se tripa t'alto»).

Etimolochía

A parola dimana d'o latín <SUPĪNUS, -A, y por ixo ye relacionada con o termino anatomico «decubito supino» (cultismo).

As formas con -p- son mas propias d'as zonas conservaderas con as consonants oclusivas xordas intervocalicas, como o Sobrarbe, «ensopinar» y «ensopinar-se», mientres que a forma con -b- ye cheneral en a resta d'Aragón; «ensobinar» y «ensobinar-se». Mesmo a Real Academia Española considera o verbo «ensobinar» un aragonesismo propio d'o castellano d'Aragón.

Variants

En aragonés se conoix tamién a variant ensupinar, que ye una variación vocalica d'ensopinar, documentada en a val de Vio y en a de Tella.

Atros usos

Tamién se diz que un animal ye «ensobinau» cuan ye poco vivo, poco atento, con a cabeza cocha u que da indicios de malotía. Rafael Andolz tamién replega ixe adchectivo pa os abríos que se les ha enreligau a brida en a pata.

Referencia

• Datos: Q65397342