Sistema endocrino
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
1. Glandula pinial u hipotalamo
2. Glandula pituitaria u hipofisi
3. Glandula tiroides
4. Timo
5. Glandulas suprarrenals (crosta suprarrenal y miollo suprarrenal)
6. Pancrias
7. Ovario
8. Testiclo
O sistema endocrín en un mamifero ye formato per glandulas y altros organos que fan una mena de substancias clamatas hormonas y ye constituito antimás d'éstas, per celulas especializatas y glandulas endocrinas.
Funcions d'o sistema endocrín[editar | modificar o codigo]
Actúa como rete de comunicación celular que responde a los estimulos liberando hormonas y ye l'encargato de diferents funcions metabolicas de l'organismo, entre ellas mantener y controlar:
- Os nivels d'enerchía d'o cuerpo.
- A reproducción.
- O creiximiento y desembolic.
- O equilibrio interno (homeostasia)
- Reaccions a las condicions ambientals
Control hormonal[editar | modificar o codigo]
Una secreción hormonal en exceso (hiperfunción) sería perchudiciosa, a l'igual que una secreción en defecto (hipofunción). As hormonas en a sangre son baixo un control retroactivo negativo (realimentación negativa). Una concentración alta d'una hormona en a sangre u a mesma respuesta que produce a hormona inhiben a sintesi d'esta hormona. D'esta traza a hipofisi produce a hormona foliculo-estimulant (FSH), que aboca a la sangre y arriba en l'ovario. A hormona FSH actúa sobre os foliculos de Graff primarios, que encomienzan a creixer y producir una hormona dita foliculina. Quan a foliculina ye abocata a la sangre, remata por arribar en a hiposifi, on inhibe a producción d'a hormona FSH.