Realimentación
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
A realimentación, retroalimentación u feed-back son accions d'un elemento sobre un atro elemento que fan que este zaguero actúe sobre o primero. A realimentación puet estar positiva u negativa:
Realimentación positiva[editar | modificar o codigo]
En as realimentacions positivas quan aumenta un primer elemento A, aumenta un segundo elemento B, o que fa que aumente de nuevo A. Aisladament y sin atros factors conducen a un aumento sin control.
Un eixemplo de realimentación positiva clasico lo trobamos quan se posa un microfono debant d'ul altavoz. L'altavoz reproduce o sonito d'o microfono y s'ascuitará un fuerte sonito por realimentación.
En una población en creiximiento o numero de naixencias fa que aumente a población, y l'aumento de población fa que aumente o numero de naixencias.
Realimentación negativa[editar | modificar o codigo]
En as realimentacions negativas quan aumenta un primer elemento A, aumenta B, pero una puyada en B fa que se desvienga una baixada en A. A l'aumentar a causa aumenta l'efecto, pero l'aumento de l'efecto tiende a esmorteixer a causa. Estas realimentacions tienden a estabilizar os sistemas, d'astí o suyo nombre d'estabilizadors u homeostaticos, y ye present en tota clase de controls, tanto naturals (ye a base d'o control en o sistema endocrino), como ciberneticos.
Una secreción hormonal en exceso (hiperfunción) sería perchudiciosa, a l'igual que una secreción en defecto (hipofunción). As hormonas en a sangre son baixo un control retroactivo negativo (realimentación negativa). Una concentración alta d'una hormona en a sangre u a mesma respuesta que produce a hormona inhiben a sintesi d'esta hormona. D'esta traza a hipofisi produce a hormona foliculo-estimulant (FSH), que aboca a la sangre y arriba en l'ovario. A hormona FSH actúa sobre os foliculos de Graff primarios, que encomienzan a creixer y producir una hormona dita foliculina. Quan a foliculina ye abocata a la sangre, remata por arribar en a hiposifi, on inhibe a producción d'a hormona FSH.