Saxifragales

De Biquipedia
Ir ta: navego, busca
Saxifragales
SAXIFRAGA LONGIFOLIA - PEGUERA - IB-253 (Corona de rei).JPG
Saxifraga longifolia, a «coda de borrega», saxifragal común en as penyas y os cillos de l'Alto Aragón.
Denominacions populars
Saxifragals
Clasificación scientifica
Dominio:
Eukaryota
Reino:
Plantae
División:
Magnoliophyta
Clase:
Magnoliopsida
Orden:
Saxifragales
Descripción
Saxifragales
BERCHT. & J Presl, 1820

As saxifragals (pronunciau /sasifra'gals/), scientificament en latín Saxifragales (BERCHT. & J Presl, 1820), son una orden de plantas anchiospermas adintro d'as Magnoliofitas.

Se tracta d'un verdader clado monofiletico, seguntes s'ha demostrau con os zaguers estudeos de chenetica molecular. Manimenos, a suya clasificación historica ha estau controvertida, con grupos de plantas que enantes no se'n consideraba parte que agora sí que en son, y belatros que se'n ha sacau.

Descripción[editar | editar código]

Os solos rasgors morfolochicos comuns en todas as saxifragals son: os estambres tienen anteras fixas, os carpelos d'o chineceu son libres en o extremo apical y os estigmas son decurrents, y os fruitos son secos.[1]

Ista escasez de rasgos de coherencia morfolochica ye a que chustifica fundamentalment as criticas d'os cladistas morfolochicos a la clasificación muderna d'a orden. Manimenos, como s'ha exposau, os estudeos cheneticos d'ARN ribosomal y de DNA d'os cloroplastos demuestran a existencia d'avantpasaus comuns entre todas as familias de saxifragals.

Clasificación[editar | editar código]

No totz os autors acceptan a suya estructura actual ni l'árbol filochenico derivau, especialment entre os más fiels a la cladistica tradicional que se basa en a comparación morfolochica d'as plantas y menosprecia o papel d'a chenetica en a Taxonomía. Mesmo entre os defensors de a dita estructura actual, bi n'ha que acceptan que puede estar que s'hese de revisar u, lo menos, matizar con achuda de l'anatomía comparada, anque as prebas d'ancestría común son contundents y, por contra, bi ha pocos rasgos morfolochicos comuns en todas ellas.

Familias[editar | editar código]

Seguntes a zaguera clasificación de l'APG III, d'as saxifragals puede cuaternar-se'n 16 familias:

Referencias[editar | editar código]

  1. (es) Laboratorio de Sistemática de Plantas Vasculares, consultau o 27 d'octubre de 2015.

Vinclos externos[editar | editar código]