Rosario (Archentina)

De Biquipedia
Ir ta: navego, busca
Traducción.png
Ista pachina actualment ye traducindo-se.
Rosario
Ciudat d'Archentina
Bandera Escudo d'armas
Montaje Rosario 01.jpg
Estato
 • Provincia
 • Departamento
Flag of Argentina.svg Archentina
Santa Fe
Rosario
Superficie 178,69 km²
Población
 • Total

948.312 hab. (2010)
Altaria 25 m.
Ríos Río Paraná
Rosario en Argentina
Concello de Rosario

A ciudat de Rosario ye clavata en o centro-este archentino, en a provincia de Santa Fe. Ye a tercera ciudat más poblata d'Archentina, dimpués de Buenos Aires y Cordoba; y ye un important centro cultural, economico, d'amostranza, financiero y d'entretenedera. A ciudat ye integrata en o clamato Triángulo Agrario (Trianglo de Labranza n'aragonés), chunto con os lugars de Pergamino y Venado Tuerto.

A suya situación en a marguin occidental d'o río Paraná, en a Hidrovía Paraná-Paraguay. Sobre dito río ye un puerto de 140 ha.[1], que exporta amán d'o 70% d'os cerials d'o país[2].

Antimás ye o centro d'o aria metropolitana d'o Gran Rosario, o tercer nuclio poblacional d'o país. En o Censo Nacional de Población de 2010 d'o Instituto Nacional de Estadística y Censos (n'aragonés, Instituto Nacional d'Estatistica y Censos) a población d'o departamento Rosario (a ciudat y 23 localidatz d'a redolada) yera de 1.193.697 presonas. Seguntes o mesmo censo, o municipio de Rosario teneba una población de 948.312 habitants[3].

Tamién ye un centro d'amostranza y cultural por os suyos important museus y bibliotecas y os suyos recursos toristicos como cercuitos arquitectonicos, paseyos, bulevars y parques. A ciudat, conoixita como La Cuna de la Bandera Argentina (A Cuna d'a Bandera Archentina, n'aragonés), tién en o suyo Monumento a la Bandera o suyo molimento más famoso.

Toponimia[editar | editar código]

O nombre de Rosario tién o suyo orichen en a Virchen d'o Rosario, quala imachen ye en a seu d'a ciudat, en o mesmo lugar an estió a capiella advocata a dita virchen.

En l'anyo 1823 o municipio recullió o titol de «Ilustre y Fiel Villa», clamando-se dende allora como Villa del Rosario (Villa d'o Rosario). Poco dimpués, en 1852 a localidat estió esleita ciudat con o nombre de Ciudad del Rosario (Ciudat de Rosario), popularment como el Rosario de Santa Fe o simplament como El Rosairo.

Dende o sieglo XX, a nomenclatura oficial d'a ciudat ye Rosario de Santa Fe, con l'obchetivo de no entibocar-se con o nombre de altras localidatz como Rosario del Tala, Rosario de Lerma o Rosario de la Frontera, por eixemplo.

Historia[editar | editar código]

En o prencipio d'o sieglo XVII en o camín clamato Camino Real, que une Buenos Aires con Bolivia, apareixe un lugar conoixito como Pago de los Arroyos[4], orichen d'a ciudat.

Ya en o cabo d'o sieglo XVII y en o prencipio d'o sieglo XVIII, s'establito a primera población permanent con o Capián Luis Romero de Pineda. Mientres 1719 as tierras d'a parcela de San Miguel del Carcarañal, propiedat d'o fillo de Antonio de Vera Mujica, estioron compratas por os chesuitas; sinyalando os limites d'o Pago de los Arroyos[5]. Antimás en a redolada s'establito o Pago del Salado, lugar d'esfensa frent a os indios calchaquíes; y en 1724, Santiago Montenegro establito o primer molín.

En o canto d'o río Paraná, o Cheneral Manuel Belgrano, Chefe Melitar d'a Expedición d'a Primera Chunta de Gubierno, organizó as baterías esfensivas Independencia y Libertat. A batería Libertat yera en a punta d'a confluyencia entre as carreras Santa Fe y Córdoba, en a plaza Guillermo Brown.


Referencias[editar | editar código]

Vinclos externos[editar | editar código]