Republica federal
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Una república federal, ye un estau que ye una federación y una republica. Una republica se define como un estau an totz os gubernants y funcionarios publicos han estau esleitos democraticament y no pas por herenzio u designación d'un hombre. Asinas as monarquías constitucionals u parlamentarias no son republicas per se, ya que o chefe d'estau u monarca tien ista distinción de traza hereditaria, anque o chefe de gubierno siga esleito democraticament. As republicas pueden organizar-se politicament como republicas parlamentarias u republicas presidencialistas.
Una federación ye un estau formato por un numero de rechions autonomas (a sobén ditas "estaus"), unitas por un gubierno central federal. En una federación l'autogubierno d'as rechions autonomas (esleito democraticament por os ciudadans de dita rechión) ye reconoixito por una constitución propia y no puet estar revocato por una decisión unilateral d'o gubierno central.
Tres estaus se describen a si mesmos explicitament como republicas federals: a Republica Federal d'Alemanya, a Republica Federal de Nicheria y a Republica Federal Democratica d'Etiopía. Una variant d'iste nombre ye "republica federativa", que apareixe en o nombre oficial de Brasil. Antimás, Mexico y os Estaus Unius se definen como "estaus unitos". No todas as federacions son republicas; por eixemplo Canadá y Australia tienen una monarquía constitucional federal, dividita en rechions autonomas.
Lista de Republicas Federals[editar | modificar o codigo]
Contemporanias[editar | modificar o codigo]
| Federazión | Tipo | Subdivisions | Chefe d'estau |
|---|---|---|---|
| Alemania | Republica Federal | estaus | President Federal |
| Archentina | Republica | Provincias | President |
| Austria | Republica | estaus | President Federal |
| Venezuela | Republica Bolivariana | estaus | President |
| Bosnia y Herzegovina | Republica y federación | Presidencia (3 miembros) | |
| Brasil | Republica Federativa | estaus | President |
| Comoras | Unión | Islas semi-autonomas | President |
| Estaus Unius d'America | Estaus Unius | estaus, territorios y dependencias | President |
| Etiopía | Republica Democratica Federal | Rechions y ciudatz | President |
| India | Republica | estaus y territorios | President |
| Mexico | Estaus Unius | estaus | President |
| Micronesia | estaus Federatos | estaus | President |
| Nicheria | Republica Federal | estaus | President |
| Rusia | Federación | Subchectos federals | President |
| Suiza | Confederación | Cantons | Consello Federal Suizo |
Historicas[editar | modificar o codigo]
- Unión de Republicas Socialistas Sovieticas
- Provincias Unitas d'America Central
- Yugoslavia
- Checoslovaquia
- Republica d'as Dos Nacions (encara que yera una traza de monarquía)
- Serbia y Montenegro
Ficticias[editar | modificar o codigo]
- Republica Galatica (Guerra d'as Galaxias)
- Nueva Republica (Guerra d'as Galaxias)
- Federación Unita de Planetas (Star Trek)