Republica Socialista Sovietica de Cazaquistán

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

RSS de Cazaquistán Қазақ Советтік Социалистік Республикасы
Republica Socialista d'a Unión Sovietica
Bandera Escudo
Himno: Himno d'a RSS de Cazaquistán
Entidat  • Estato	Republica Socialista Unión Sovietica
Capital	Alma-Ata
Idioma oficial	Cazaco y ruso
Superficie  • Total	2 717 300 km²
Población  • Total	16 711 000 hab.
Zona horaria	UTC +4 a +6
Moneda	Rublo
President en l'inte d'a independencia	Nursultan Nazarbayev
Independencia d'a Unión Sovietica	16 d'aviento de 1991
Tiempo en a URSS	Dende o 30 d'aviento de 1922 dica o 16 d'aviento de 1991.
RSS de Cazaquistán en a Unión Sovietica

A Republica Socialista Sovietica de Cazaquistán (en cazaco Қазақ Советтік Социалистік Республикасы) estió a segunda republica en amplaria d'as que formoron a Unión Sovietica, en l'Asia Central, y ye hue en día o estato independient de Cazaquistán. Teneba una superficie de 2,717,300 kilometros quadraus (1,063,200 millas quadratas) y a suya capital yera Alma-Ata.

Historia

Establita o 26 d'agosto de 1920, inicialment estió una republica autonoma dentro d'a RSSF de Rusia. O 5 d'aviento de 1936 esdevenió una republica independient d'a URSS, clamata RSS de Cazaquistán. Mientres os 50 y os 60 os ciudadans sovieticos fuoron clamatos a aduyar a poblar as "Tierras virchens" d'a RSS de Cazaquistán. A influencia d'os inmigrants (mayoritariament rusos, (pero incluindo bellas minorias nacionals deportadas) favoreixioron a mezcla racial y premitioron que o numero de Cazacos fuese inferior a los no-cazacos. Os atros grupos etnicos incluyiban ucraineses, alemans d'a Volga, belarrusos, coreanos, y atros; os alemans en l'inte d'a independencia formaban alto u baixo lo 8% d'a población, a más alta concentración d'alemans en toda la Unión Sovietica. A independencia fació que muitos d'estos nuevos habitants emigrasen. O 10 d'aviento de 1991 a RSS de Kazakistán fue renombrata "Republica de Cazaquistán" y seis días dimpués declaró a suya independencia.

Población

A población nativa son os cazacos (4,234,000 en 1970). En 1970, a republica teneba un numero apreciable de rusos (5,522,000) y ucraineses (933,000). En as tierras deserticas d'o norte de Cazaquistán, i heba tartaros (288,000), uzbekos (216,000), y belarrusos (198,000).

Se veiga tamién

• Historia de Cazaquistán