Rear Window
- Iste articlo ye sobre una cinta d'intriga estausunidense de l'anyo 1954; ta atros usos, se veiga Rear Window (desambigación).
Rear Window (títol orichinal en anglés, en aragonés Dezaga d'a finestra, enguerada en Aragón con o títol en castellano de La ventana indiscreta, en aragonés A finestra indiscreta) ye una cinta de cine estausunidense de l'anyo 1954 dirichida por Alfred Hitchcock seguntes un guión adaptau por John Michael Hayes (basau en It Had to Be Murder, una historia publicada en Dime Detective por Cornell Woolrich en 1942), con una banda sonora orichinal de Franz Waxman, una dirección de fotografía de Robert Burks y una producción cinematografica d'Alfred Hitchcock ta la productora cinematografica Patron Inc.. Fan parte de l'elenco d'a cinta, en os suyos papels principals, os actors James Stewart, Grace Kelly, Wendell Corey, Thelma Ritter, Raymond Burr, Judith Evelyn, Ross Bagdasarian, Georgine Darcy, Sara Berner, Frank Cady y Jesslyn Fax.
LB "Jeff" Jefferies ye un fotografo profesional que en haber padeixiu un accident se troba inmovilizau en a suya casa de Nueva York con una gamba escayolada. Aborriu, pasa lo tiempo proveitando que ye verano y fa calor ta mirar por a finestra de dezaga d'a suya casa lo patio de vecins y la vida d'os vecins d'a suya isla de casas. Nomás recibe visitas que d'a suya novia, Lisa Fremont, qui lo presiona ta que se case con ella, y de Stella, la enfermera. Una nueit, estando solo en a casa, ascuita cridar "No!" a una muller, rusio de cristals crevaus y dimpués veye a Thorwald , un d'os suyos vecins, fendo continos viaches con una maleta. A lo día siguient, Jeff veye que a muller de Thorwald ha desapareixiu y veye tamién como iste limpia con esmero un cutiello. Jeff sospeita que ha asasinau a su muller y conta los feitos a su novia y a la enfermera, ta dimpués clamar a lo suyo amigo Tom Doyle, detective d'a Policía de Nueva York. Pero iste li diz que cuan ha investigau han trobau que aparentment a muller de Thorwald ha marchau de vacanzas fuera d'a ciudat. Pero Jeff, terne que terne, contina creyendo que ha cometiu un asasinato.
A cinta s'ambienta en a suya epoca actual (1954) en a ciudat de Nueva York y las suyas escenas se filmoron en os Paramount Studios en Los Angeles y en os Universal Studios en Universal City, toz dos en California.[2]
Se tracta d'una cinta que ha recibiu cuantos premios y nominacions, entre los cuals se pueden destacar cuatre nominacions a los Premios Oscar en a suya 27ena edición (incluyindo-ie l'Oscar a lo Millor Director, l'Oscar a lo Millor Guión Adaptau y l'Oscar a la Millor Fotografía) y una nominación a los Premios BAFTA en a suya 8ena edición, a la Millor Cinta.
Elenco[3]
[editar | modificar o codigo]Actor | Papel | Notas |
---|---|---|
' |
Se veiga tamién
[editar | modificar o codigo]Referencias
[editar | modificar o codigo]- ↑ 1,0 1,1 (en) Enguero de Rear Window en Internet Movie Database.
- ↑ (en) Localizacions de Rear Window en Internet Movie Database.
- ↑ (en) Rear Window en Internet Movie Database.
Vinclos externos
[editar | modificar o codigo]Se veigan as imáchens de Commons sobre Rear Window.
- (en) John Belton: Rear Window (.pdf) en a web d'o National Film Registry.
- Cintas por títol
- Cintas de 1954
- Cintas ambientadas en Nueva York (ciudat)
- Cintas ambientadas en 1954
- Cintas con banda sonora orichinal de Franz Waxman
- Cintas con dirección de fotografía de Robert Burks
- Cintas con guión de John Michael Hayes
- Cintas con montache de George Tomasini
- Cintas de cine d'intriga
- Cintas d'Estaus Unius
- Cintas dirichidas por Alfred Hitchcock
- Cintas en anglés
- Cintas en Technicolor
- Cintas interpretadas por Frank Cady
- Cintas interpretadas por Georgine Darcy
- Cintas interpretadas por Grace Kelly
- Cintas interpretadas por James Stewart
- Cintas interpretadas por Jesslyn Fax
- Cintas interpretadas por Judith Evelyn
- Cintas interpretadas por Raymond Burr
- Cintas interpretadas por Ross Bagdasarian
- Cintas interpretadas por Sara Berner
- Cintas interpretadas por Thelma Ritter
- Cintas interpretadas por Wendell Corey
- Cintas producidas por Alfred Hitchcock
- Cintas rodadas en Los Angeles