Quartels de Hyde Park (Sydney)

De Biquipedia
Ir a la navegación Ir a la búsqueda
Quartels de Hyde Park
HydeParkBarracks.JPG
Frontera dende Macquarie Street
Situación
Coordenatas {{{Coordenadas}}}
País Flag of Australia.svg Australia
Ciudat Sydney
Información cheneral
Tipo {{{Tipo}}}
Director
Construcción
Debantadera 28 de noviembre de 1929
Superficie 2,16 hectarias
Horario Ubierto diyariament 10:00 – 17:00. Zarrau Viernes Santo y Nadal.
Vesitants
Adreza Hyde Park, Macquarie Street, Sydney
Telefono
Pachina web Pachina oficial

Os quartels de Hyde Park (en anglés Hyde Park Barracks) de Sydney (Australia) son un espacio de memoria que fa parti d'o rete "Historic Houses Trust" que agrupa quantos edificios historicos d'o estau australiano de Nueva Galas d'o Sud. O edificio d'os quartels, construyiu en 1819, tien una historia ligada a las diferents olas migratorias que arriboron a Australia dende o sieglo XIX. Actualment os quartels de Hyde Park son un museu que amostra a historia d'o espacio relacionada con a immigración.[1]

Historia[editar | editar código]

En un prencipio, os quartels yeran destinaus a acullir a os convictos britanicos que se ninviaban a Australia; posteriorment estioron punto de plegada d'as collas de mullers chovens que arriboron d'Europa ta colonizar o país; mas tardi sirvioron d'asilo ta mullers viellas y desvalidas; y en zaguerías se convirtioron en seu d'o tribunal y en oficinas d'o gubierno de Nueva Galas d'o Sud. Actualment os quartels de Hyde Park son un museu que amostra a historia d'o espacio relacionada con a immigración.[1]

Dende que en 1770 o capitán James Cook de l'armada britanica desembarcó en as costas australianas, olas de migrants plegoron a ista isla habitada por aborichens dende 40.000 anyos antis. En primeras se i instaloron garcholas ta convictos britanicos y i plegaban colonos ta explotar os recursos naturals d'a zona. Se pueden trazar quatre grans momentos migratorios enta Australia: as grans campanyas d'os buscadors d'oro de metat d'o sieglo XIX, as migracions de prencipios d'o sieglo XX, a plegada d'europeus dimpués d'a Segunda Guerra Mundial, y a immigración politica y economica de personas de tot o mundo dende a decada de 1970 dica hue.[1]

Patrimonio d'a Humanidat[editar | editar código]

En chulio de 2010, en a 34ª sesión d'o Comité de Patrimonio d'a Unesco, os quartels de Hyde Park y atros diez puestos d'Australia relacionaus con o transporte de presos fuoron inscritos como un grupo en a lista de Patrimonio d'a Humanidat con o nombre de Colonias penitenciarias australianas.[2] A lista ye composada por os 11 puestos actuals que representan "os millors eixemplos supervivients d'o transporte de presos a gran escala y a expansión colonial d'as potencias europeas a traviés d'a presencia y treballo de presos". D'entre os 11 puestos l'antiga Great North Road, l'antiga Casa d'o Gubierno en Parramatta y a isla Cockatoo tamién se troban en a rechión de Sydney.

Referencias[editar | editar código]

  1. 1,0 1,1 1,2 (ca) Casernes de Hyde Park. Memorial Democràtic. Gencat. 7 de chinero de 2017
  2. (en) "UNESCO World Heritage Centre – World Heritage Committee inscribes seven cultural sites on World Heritage List". UNESCO World Heritage Centre website. United Nations. 31 July 2010. http://whc.unesco.org/en/news/642. Retrieved 17 de setiembre de 2010.