Ir al contenido

Prencipau de Domba

De Biquipedia
(Reendrezau dende Prencipato de Domba)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Prencipau de Domba
Principauté de Dombes
Comarca d'Arpitania

Anvista aeria
Capital Villars-les-Dombes
Entidat
 •País
 •Departamento
Comarca
 Arpitania
Ain

O prencipau de Domba (en francés Dombes), primer sinyoría, estió una churisdicción feudal de Francia, a l'uest de Bresse, a l'este de Beaujeu, a o norte d'o Leonés y a o sud d'o Mâconês. Yera formato por dotze castiellos: Trevoux, Toissey, Beauregard, Monmèrle, Lent, Chalamont, le Châtelard, Marlieu, Baneins, Villeneuve-au-Prince, Amberieu y Ligneu.

Una parti esencial d'istas terres pasó a la sinyoría de Beaujeu, chunto con a sinyoría de Miribel, por o enlace de Hubert V de Beajeau con Margalida, filla de Guiu sinyor de Baugé y Bresse, y completatos por atros territorios adquiritos por posteriors enlaces con os sinyors de Baugé y Bresse y con a casa de Saboya.

Paisache de Domba

O zaguer sinyor de Beaujeu, Eduardo II, cedió o territorio a Lois II duque de Borbón en 1400. Continó en a casa de Borbón dica que a hereva Susana, que se casó con o suyo primo Carlos de Borbón pero no tenió fillos, morió y se planteyó alavez un litichio entre o condestable de Borbón y Loisa de Saboya (mai d'o rei Francisco I de Francia), y a segunda fue reconoixita sinyora. O condestable se pasó a o enemigo (o emperador Carlos V, I d'Espanya) y le'n confiscoron todas as suyas tierras, pero en virtut d'os Tractatos de Madrit y de Cambrai le'n tornoron a Lois de Borbón, prencipe d'a Roche-sur-Yon, que recibió o ducato de Châtelleraud, o Beaujolais y a sinyoría de Domba y poco dimpués, en 1560, se reconoixió a o duque Lois de Borbón o ducato de Montpensiér y as sinyorías de Beajeau y Domba, con o segundo como sobirán, a on podioron acunyar moneda y tener toz os privilechios d'a sobiranía absoluta. Se creyó por ixas envueltas o parlamento de Domba (teneba as sesions en León d'o Roine y dimpués en Trevoux). Ana María Loísa d'Orleans donó o prencipau a o duque de Maine en marzo de 1682. Morió en 1793. O fillo d'o duque de Maine, Lois Carlos conte d'Eu, cedió o prencipau a Francia a cambeo d'o ducato de Gisors en 1762. Domba s'incorporó a la corona y deixó d'estar independient.

Sinyors de Domba[editar | modificar o codigo]

Francisco I de Francia
Henrique I (II de Francia)

Dinastía de Beaujeu:

  • Huberto (V) de Beajeau, 1185-1250.
  • Guixardo 1250-1265.
  • Renaud 1265-1277.
  • Loís I 1277-1295.
  • Guixardo II o Gran 1295-1331.
  • Eduardo I 1331-1351.
  • Antonio 1351-1374.
  • Eduardo II 1374-1400.

Dinastía de Borbón Montpensiér:

  • Loís II, duque de Borbón 1400-1410.
  • Chuan I (fillo) 1410-1434.
  • Carlos I (fillo) 1434-1456.
  • Chuan II (fillo) 1456-1488.
  • Pero (fillo) 1488-1503.
  • Susana (filla) 1503.
  • Carlos II (marito) 1503-1527.

Dinastia de Francia:

Prencipes de Domba[editar | modificar o codigo]

Dinastía de Borbón-Montpensiér:

Dinastia de Borbó-Maine:


Bandera d'Arpitania (no pas oficial) As divisions administrativas d'Arpitania

En Italia:

Cèles de Sant Vuite y Faéte en Pulla · Vals arpitanas de Piemont · Val d'Aosta

En Francia:

Rechions : Borgonya-Franco Condau · Roine-Alpes

Departamentos : Ain (01) · Ardescha (07) · Doubs (25) · Droma (26) · Isèra (38) · Jura (39) · Loira (42) · Roine (69) · Saona y Loira (71) · Saboya (73) · Alta Saboya (74)

Antigas provincias de Francia : Beaujeu · Bresse · Bugey · Charolés · Delfinato · Domba · Forêz · Franco Condau · Leonés · Mâconês · Saboya

En Suiza:

Cantons : Chinevra · Friburgo · Jura (sud) · Neuchatel · Valais · Vaud