Lucía Jiménez

De Biquipedia
Ir a la navegación Ir a la búsqueda
Lucía Jiménez
Lucía Jiménez y Matt Dillon a Sant Sabastián
Lucía Jiménez y Matt Dillon a Sant Sabastián
Información personal
Calendata naiximiento: 21 de noviembre de 1978
Puesto naiximiento: Flag of Spain.svgFlag of Castilla y León.svg Segovia

Lucía Jiménez Arranz (Segovia, 21 de noviembre de 1978) ye una actriz espanyola.

Biografía[editar | editar código]

Acudió ta clases de baile contemporanio, canto y entrepretación. En 1996, blincó enta la gran pantalla con a cinta La buena vida, de David Trueba; gracias a ixe primer papel consiguió una nominación ta es premios Goya como Millor Actriz Revelación.

En televisión se dio a conoixer con o papel de Silvia en os primers meses de Al salir de clase, serie de larga durata que estió tamién palanca ta muitos altros actors espanyols. Participó igualment en series menos conoixitas como Jugar a matar u El cruce.

Continó en o cine con cintas como Una pareja perfecta, de Francesc Betriu; El arte de morir, de Álvaro Fernández Armero; Kasbah, de Mariano Barroso; No se lo digas a nadie, u Tinta roja, as dos d'o peruán Francisco Lombardi.

Ya entratos en o sieglo XXI, Jiménez alterna o cine con o teatro. D'entre as suyas entrepretacions más valuratas bi ye a d'o suyo papel como Lucía en a cinta de Montxo Armendáriz, Silencio roto. Posteriorment rodó, entre altras, Ilegal, de José Antonio Villar; a cinta italiana Occhi di cristallo, de Eros Puglielli; y Los dos lados de la cama, segunda parti d'a exitosa El otro lado de la cama, de Emilio Martínez Lázaro. A versión teatral d'ista cinta contó con a entrepretación de Jiménez; per o suyo papel en ixe musical estió nominata ta lo premio Fotogramas de Plata como millor actriz de teatro.[1]

En 2006 rodó en anglés The Kovak Box, de Daniel Monzón.

Tamién en teatro, Jiménez ha entrepretato a obra Cuento d'hibierno, de William Shakespeare, dirichita per Magüi Mira.[2]

Filmografía[editar | editar código]

Cintas[editar | editar código]

Cinta Personache Director Anyo
Butterflies & Lightning Katherine Griffin 2008
Sangre de Mayo José Luis Garci 2008
Cosas insignificantes Andrea Martínez 2008
Proyecto Dos Guillermo Fernández Groizard 2008
El club de los suicidas Ana Roberto Santiago 2007
Café solo o con ellas Bea Álvaro Díaz Lorenzo 2007
Hidden Camera (TB) Alejandra Bryan Goeres 2007
Los Borgia María Enríquez Antonio Hernández 2006
The Kovak Box Silvia Méndez Daniel Monzón 2006
Los dos lados de la cama Raquel Emilio Martínez Lázaro 2005
Pobre juventud Rebeca Miguel Jiménez 2005
Mujeres infieles Roberta Lage Rodrigo Ortuzar 2004
Occhi di cristallo Giuditta Eros Puglielli 2004
El atraco Erika Paolo Agazzi 2004
Ilegal Sofía Ignacio Vilar 2003
El refugio del mal Eloísa Félix Cábez 2002
Mantis (curtometrache) Kike León 2002
Silencio Roto Lucía Montxo Armendáriz 2001
La caída del imperio (curtometrache) Fernando Merinero 2001
Estés donde estés Ángela (adulta) Nicolás Tapia 2001
Tinta Roja Nadia Francisco J. Lombardi 2000
Kasbah Lua Mariano Barroso 2000
El arte de morir Patricia Álvaro Fernández Armero 2000
Mi abuelo es un animal (curtometrache) Mariano Barroso 2000
No se lo digas a nadie Alejandra Francisco J. Lombardi 1998
Una pareja perfecta Sonia Francisco Betriú 1998
El olor del vientre Mensachera Beatriz Castro 1998
La buena vida Lucía David Trueba 1996

Series de televisión[editar | editar código]

Serie Personache Anyo
La Señora Encarna 2008
El cruce Lourdes/Rocío 2004
Jugar a matar Inés 2003
Al salir de clase Silvia 1997

Cusiosidatz[editar | editar código]

  • Ye chirmana d'a cantante Rebeca Jiménez.
  • Habió a practicar l'accento peruán ta la cinta Tinta roja.

Referencias[editar | editar código]

Vinclos externos[editar | editar código]