Enrique San Francisco

Enrique San Francisco
Información cheneral
Nombre real	Rogelio Enrique San Francisco Cobo
Calendata naiximiento:	10 de marzo de 1955
Puesto naiximiento:	Madrit (Comunidat Autonoma de Madrit, Espanya)
Calendata muerte:	1 de marzo de 2021
Puesto muerte:	Madrit (Comunidat Autonoma de Madrit, Espanya)
Alma Máter	Actors Studio
Pai:	Vicente Haro
Mai:	Queta Ariel
Premios Goya
Nominau a o Premio Goya a o Millor Actor: -1989: por El baile del pato -1992: por Orquesta Club Virginia

Quique San Francisco, nombre artistico de Rogelio Enrique San Francisco Cobo, naixiu de Madrit o 10 de marzo de 1955 y muerto en ixe mesmo puesto l'1 de marzo de 2021, fue un humorista y actor espanyol, fillo d'os tamién actors Enriqueta Cobo (Queta Ariel) y Vicente Haro, y meyo-chermano por part de pai de Vicente Haro Vidal. Tenió una larga y prolifica vida artistica en o cine, lo teatro y la televisión y recibió cuantos premios mientres a suya carrera interpretativa.

Fue un d'os pocos supervivients d'a cheneración d'o cine quinqui, epoca en a que fizo las cintas Navajeros (1980, Eloy de la Iglesia), El Pico (1983, Eloy de la Iglesia), Colegas (19682, Eloy de la Iglesia) y La mujer del ministro (1981, Eloy de la Iglesia); atras cintas d'a suya carrera que cal destacar son El baile del pato (1989, Manuel Iborra) y Orquesta Club Virginia (1992, Manuel Iborra), por as que estió nominau a lo Premio Goya a lo Millor Actor, pero tamién actó en cintas como Estoy hecho un chaval (1976, Pedro Lazaga), ¡Arriba Hazaña! (1978, José María Gutiérrez Santos), Amanece, que no es poco (1989, José Luis Cuerda), Acción mutante (1993, Álex de la Iglesia), u París-Tombuctú (1999, Luis García Berlang).

Se veiga tamién

• Cintas interpretadas por Enrique San Francisco.

Vinclos externos

• Se veigan as imáchens de Commons sobre Enrique San Francisco.
• (es) Enrique San Francisco en Internet Movie Database.

• Datos: Q520118
• Multimedia: Enrique San Francisco / Q520118