Poicephalus senegalus

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Poicephalus senegalus
Un papagai de Senegal (Poicephalus senegalus).
Denominacions populars
papagai de Senegal
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Aves
Orden:	Psittaciformes
Familia:	Psittacidae
Chenero:	Poicephalus
Especie:	P. senegalus
Descripción
Poicephalus senegalus Linnaeus, 1766

O papagai de Senegal^[1]^[2] (nombre cientifico Poicephalus senegalus (Linnaeus, 1766)^[3]) ye una especie d'au d'a orden d'os Psittaciformes y familia Psittacidae que mide uns 23 centimetros de luengo y pesa entre 120 y 170 gramos.

Os papagais de Senegal son aus de selvas ubiertas y sabanas. S'achuntan con mayor frecuencia en países d'Africa Occidental. Ye una especie gregaria, paroliando de contino con una variedat de chuflius y grallaus. Os papagais de Senegal viven un promeyo d'arredol de 25 a 30 anyadas en a naturaleza y se sabe que viven mientres 50 anyadas en cativerio.

Os papagais de Senegal fan niedo en foricons de árbols y per un regular meten de tres a cuatro uegos blancos. Os uegos miden uns 3 centimetros de luengo per 2,5 centimetros d'amplo. Os uegos son cobaus per a fembra, a partir d'a puesta d'o segundo uego, mientres uns 27 a 28 días.

Realiza migracions adintro d'Africa occidental, seguntes a disponibilidat de fruitos, simients y flors que componen a suya dieta. Se considera una plaga agricola en Africa, a ormino s'alimenta de panizo u millo. Ye popular en l'avicultura.

Subspecies

P. s. senegalus.
P. s. versteri.

Referencias

↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ (an) Informe lumero: 5: Enample d'a lista patrón d'os nombres d'as aus en aragonés, 2008, Consello Asesor de l'Aragonés
↑ (en) Alderton, David (2003). The Ultimate Encyclopedia of Caged and Aviary Birds. London, England: Hermes House. p. 222. ISBN 1-84309-164-X.