Pedro Santisteve

De Biquipedia
Ir a la navegación Ir a la búsqueda
Pedro Santisteve Roche
Pedro Santisteve

Santisteve en setiembre de 2015.


Actualment en o cargo
Dende o 13 de chunio de 2015
Precedito por Juan Alberto Belloch
Naiximiento 28 de mayo de 1958
Aragón Zaragoza, Aragón
Partito Zaragoza en Común
Profesión Advogau penalista, profesor y politico
Alma Máter Universidat de Zaragoza

Pedro Santisteve Roche (Zaragoza, Aragón, 28 de mayo de 1958) ye un advogau penalista, activista social, profesor universitario y politico, que esdevenió alcalde de Zaragoza o 13 de chunio de 2015 con os votos d'os concellers de Zaragoza en Común (ZeC), PSOE y Chunta Aragonesista (CHA).[1].

Biografía[editar | editar código]

Santisteve se licenció en Dreito y exerce dende 1984 como advogau penalista. S'ha destacau por a suya critica a lo sistema penitenciario actual y por a defensión d'os dreitos d'as personas engarcholadas. Ye fundador de l'Asociación de Seguimiento y Emparo a Presas y Presos en Aragón (ASAPA), que en 2000 recibió d'a Deputación Cheneral d'Aragón a Medalla a lo Merito Social. Dende lo decenio de 1990, ye profesor en a facultat de Dreito d'a Universidat de Zaragoza.[2]

Alcalde de Zaragoza[editar | editar código]

A dentrada de Santisteve en politica prencipió con o movimiento d'o 15-M. En 2015 resultó ganador d'o proceso de primarias de Ganemos Zaragoza, en o qual participoron mas de 3.700 personas.[3] D'iste modo, Santisteve estió o cabeza de lista d'a candidatura d'unidat ciudadana Zaragoza en Común (ZeC), en a quala confluyen movimientos socials, Podemos, Cucha Unida, Equo, Puyalón de Cuchas, Piratas d'Aragón, Somos y Demos+.[4] O programa d'a candidatura yera basau en a transparencia, participación ciudadana y una politica social más ampla. A candidatura liderada por Santisteve obtuvo, en as eslecions monecipals de 24 de mayo de 2015, 80.040 votos (24,57%) y 9 concellers, estando a segunda fuerza politica, por dezaga d'o Partido Popular , con 10 concellers, y por encima d'o PSOE, con 6 concellers; Ciudadanos, con 4, y CHA con 2.[5]

O 13 de chunio de 2015, Pedro Santisteve fue nombrau alcalde de Zaragoza con os votos d'os concellers de Zaragoza en Común (ZeC), PSOE y Chunta Aragonesista (CHA).[6] En o suyo discurso de investidura, Santisteve abanzó que a suya chestión de gubierno tendrá los alazetz siguients:[7]

  • Protección y esfensa d'os dreitos humans y dreitos socials.
  • Aturar os desafidamientos de vivienda.
  • Plan d'Emerchencia Social, que incluiga un mayor parque publico de viviendas, mesuras contra la malnutrición infantil y contra la pobreza enerchetica.
  • Redistribución d'a carga fiscal, a traviés d'una mayor progresividat.
  • Apertura d'os consellos d'administración y d'organos retors de qualsiquier entidat monecipal ta qualsiquier miembro d'a sociedat civil.
  • Mayor transparencia (Auditoría Monecipal Permanent) y presa de decisions por meyo de procesos de participación ciudadana.

Publicacions[editar | editar código]

Referencias[editar | editar código]

  1. heraldo.es [1] consulta 29/11/2015
  2. Heraldo.es[2] consulta 29/11/2015
  3. heraldo.es [3] consulta 29/11/2015
  4. DiagonalDigital [4] consulta 29/11/2015
  5. El País.com [5] consulta 29/11/2015
  6. heraldo.es [6] consulta 29/11/2015
  7. heraldo.es [7] consulta 29/11/2015

Predecesor:
Juan Alberto Belloch Julbe
Alcalde de Zaragoza.
2015-En o cargo
Succesor:
No bi'n ha