Jorge Azcón Navarro
| Jorge Azcón Navarro | |
|---|---|
| |
| Actualment en o cargo | |
| Dende o 10 d'agosto de 2023 | |
| Gubierno | Gubierno Azcón |
| Precediu por | Javier Lambán |
| 15 de chunio de 2019 – 17 de chunio de 2023 | |
| Precediu por | Pedro Santisteve |
| Succediu por | Natalia Chueca Muñoz |
| 11 de chunio de 2011 – 17 de chunio de 2023 | |
| 8 d'abril de 2000 – 16 de chunio de 2007 | |
| Actualment en o cargo | |
| Dende o 19 d'aviento de 2021 | |
| Precediu por | Luis María Beamonte |
| Actualment en o cargo | |
| Dende o 23 de chunio de 2023 | |
| Naiximiento | 21 de noviembre de 1973 Zaragoza, Aragón
|
| Partiu | Partido Popular de Aragón |
| Profesión | Politico |
| Alma Máter | Universidat de Zaragoza |
Jorge Azcón Navarro (Zaragoza, Aragón, 21 de noviembre de 1973) ye un politico aragonés, actual president d'a Deputación Cheneral d'Aragón dende o 10 d'agosto de 2023.[1] Tamién ye president d'o Partido Popular de Aragón.
Con anterioridat estió alcalde de Zaragoza dende 2019 a 2023, estando eslechiu con os votos d'os concellers de Partido Popular (PP), Ciudadanos (C's) y Vox[2].
Biografía
[editar | modificar o codigo]Naixió o 21 de noviembre de 1973 de Zaragoza, a on se crió y se formó, más concretament en a zona d'o coso y d'o casco historico d'a ciudat. Ye o menor de cinco chirmans, ye casau y tien dos fillos.
Treballó mientres cuantos anyos como director territorial en Aragón de MRA, empresa especializada en a promoción de viviendas de protección oficial.
Formación academica
[editar | modificar o codigo]Estudió en os colechios de Teresianas del Pilar y Juan de Lanuza, más tardi se licenció en Dreito y fació un máster en urbanismo por a Universidat de Zaragoza.
En a suya etapa universitaria ye cuan prencipió a suya inquietut por a politica y s'afilió en as Nuevas Generaciones del Partido Popular, formación d'a que plegó a estar president provincial y rechional y miembro d'os Comités Executivos Rechional y Provincial.
Trachectoria política
[editar | modificar o codigo]Mientres a etapa d'o gubierno de José Atarés estió concellero de Choventut y Personal entre 2000 y 2003. Dende 2003 dica 2007, estió en a oposición, estió o suyo portavoz adchunto y cursó o Máster d'Urbanismo d'a Universidat de Zaragoza. En 2011 tornó a la politica municipal dimpués de treballar en una empresa privada especializada en a construcción de VPO. Dende 2015 estió portavoz d'o Partido Popular en o Concello de Zaragoza y estió en a oposición dica o 15 de chunio de 2019, cuan fue investiu alcalde de Zaragoza.
Ha estau president provincial y rechional de Nuevas Generaciones del Partido Popular, y miembro d'os Comités Executivos rechional y provincial. Actualment ye miembro d'a Chunta Directiva Nacional d'o PP y d'os Comités Executivos Rechional y Provincial d'o Partido Popular de Aragón.
En l'anyo 2000 debiu a la marcha de Luisa Fernanda Rudi ta Madrit pa convertir-se en a primera muller en estar presidenta d'o Congreso d'os Deputaus, José Atarés le sustituyó en l'alcaldía y Jorge Azcón prenió posesión d'a suya acta de concellero[3]
Alcaldía de Zaragoza (2019-2023)
[editar | modificar o codigo]En as eleccions municipals celebradas o 26 de mayo de 2019 o PSOE encabezau por Pilar Alegría consiguió diez concellers d'os 33 que conforman o pleno d'o Concello de Zaragoza. O segundo partiu más votau estió o Partido Popular d'Azcón que logró ueito concellers y que perdió 15.736 votos respecto a l'anterior cita electoral en 2015. Manimenos, o PP tornó a recuperar refirme electoral de tres d'os suyos feus historicos —Centro, Casco Historico y Universidat—.[4]
O 15 de chunio de 2019, Azcón fue investiu alcalde de Zaragoza con o refirme d'os seis concellers de Ciudadanos, estando a suya lideresa, Sara Fernández Escuer, proclamada vicealcaldesa.[5] A o día siguient, o suyo primer acto institucional fue vesitar o memorial de José Atarés situau en l'avenida homonima.[6][7] O 19 de chunio se presentó o nuevo gubierno PP-Cs en una rueda de prensa.
President d'o PP d'Aragón y candidato a la Presidencia
[editar | modificar o codigo]Ye o president d'o Partido Popular de Aragón dende aviento de 2021. Fue elechiu en o XIV Congreso rechional d'o partiu, a o que se presentó como unico candidato, y que ganó con o 97,92% d'os votos emitius. Cuasi un anyo dimpués de dita elección, en aviento de 2022 confirma a suya candidatura a la presidencia d'Aragón, y por tanto, a suya renuncia a la reelección como alcalde de Zaragoza.
Lideró a o Partido Popular de Aragón en as eleccions autonomicas d'o 28 de mayo de 2023 partindo como cabeza de lista d'a provincia de Zaragoza. En ditas eleccions o PP consigue o 35.50 % d'os votos y 28 escanyos d'os 67 que conforman as Corz d'Aragón.[8] Encara que a suya estió a candidatura más votada, no arribó a la mayoría necesaria pa estar elechiu president d'o Gubierno d'Aragón, por lo que amenistaría pactar con atros partius.[9]
President d'o Gubierno de Aragón
[editar | modificar o codigo]Dimpués d'as eleccions, o PP prencipió conversacions con atros partius y fue proclamau candidato a presidir o Gubierno d'Aragón, encara que sin calendata pa a suya investidura mientres zarraba os pactos necesarios.[10][11] Finalment, fue investiu o 10 d'agosto de 2023 con o refirme de Vox, con qui formó un gubierno de coalición, y o Partido Aragonés que, dica alavez, quedaba difuera d'iste gubierno.[12]
Referencias
[editar | modificar o codigo]- ↑ (es) Jorge Alonso: Jorge Azcón, nuevo presidente de Aragón, en Heraldo de Aragón, 10 d'agosto de 2023.
- ↑ (es) Jorge Azcón, nuevo alcalde de Zaragoza, en Heraldo de Aragón.
- ↑ (es) "El heredero de Pepe". El Periódico de Aragón.com. 16 de chunio de 2019. https://www.elperiodicodearagon.com/noticias/temadia/heredero-pepe_1369179.html.
- ↑ (es) "El PP remonta en sus barrios tradicionales y frena a Ciudadanos y Vox". Heraldo.es. 27 de mayo de 2019. https://www.heraldo.es/noticias/aragon/zaragoza/2019/05/27/resultados-elecciones-municipales-zaragoza-barrios-2019-pp-remonta-1317112.html.
- ↑ (es) "¿Quién es Jorge Azcón, nuevo alcalde de Zaragoza?". Heraldo.es. 15 de chunio de 2019. https://www.heraldo.es/noticias/aragon/zaragoza/2019/05/08/jorge-azcon-perfil-elecciones-municipales-zaragoza-2019-candidato-pp-1313284.html.
- ↑ (es) "El PSOE gana las elecciones pero la izquierda pierde la mayoría absoluta". Heraldo.es. 27 de mayo de 2019. https://www.heraldo.es/noticias/aragon/zaragoza/2019/05/27/elecciones-municipales-zaragoza-2019-resultados-el-psoe-gana-las-elecciones-pero-la-izquierda-pierde-la-mayoria-absoluta-1317032.html.
- ↑ (es) "Azcón visita el memorial del exalcalde Atarés en su primer acto público". El Periódico de Aragón.com. 16 de chunio de 2019. https://www.elperiodicodearagon.com/noticias/aragon/azcon-visita-memorial-ex-alcalde-atares-primer-acto-publico_1369193.html.
- ↑ (es) 20minutos (2023-05-29). "Jorge Azcón celebra con euforia el vuelco del PP en Aragón y las alcaldías de sus tres capitales: "¡Hemos ganado las elecciones!"". www.20minutos.es - Últimas Noticias. https://www.20minutos.es/noticia/5132391/0/jorge-azcon-celebra-con-euforia-el-vuelco-del-pp-en-aragon-y-las-alcaldias-de-sus-tres-capitales-hemos-ganado-las-elecciones/.
- ↑ (es) Ruiz Coll, M.A. (29 de mayo de 2023). "Los vencedores del 28-M: Azcón, Mazón y Prohens liquidan los pactos de la izquierda de Aragón, Valencia y Baleares". El Español. https://www.elespanol.com/espana/politica/20230529/vencedores-azcon-mazon-prohens-aragon-valencia-baleares/767203280_3.html.
- ↑ (es) Las Cortes proponen a Azcón como candidato a la presidencia y el PP quiere replicar con Vox en Aragón el modelo de Baleares. Mónica Fuentes. Heraldo de Aragón, 7 de chulio de 2023
- ↑ (es) La presidenta de las Cortes propone a Jorge Azcón como candidato a la pesidencia del Gobierno de Aragón. Europa Press, 7 de chulio de 2023
- ↑ (es) Vox hace presidente a Azcón y Aragón inicia una era conservadora, Laura Carnicero, Sergio H. Valgañón. El Periódico de Aragón, 10 d'agosto de 2023
Se veiga tamién
[editar | modificar o codigo]| Predecesor: Javier Lambán |
President d'Aragón 10 d'agosto de 2023 - en o cargo |
|
| Predecesor: Pedro Santisteve Roche |
Alcalde de Zaragoza. 15 de chunio de 2019-17 de chunio de 2023 |
Succesor: Natalia Chueca Muñoz |
| Predecesor: Luis María Beamonte |
President d'o Partido Popular de Aragón 19 d'aviento de 2021 - en o cargo |
| Control d'autoridaz |
|
|---|
Datos: Q64625515
Multimedia: Jorge Azcón / Q64625515
- Alcaldes de Zaragoza
- Alcaldes d'o Partido Popular de Aragón
- Alumnos d'a Universidat de Zaragoza
- Avogaus d'Aragón
- Concellers d'o Concello de Zaragoza
- Deputaus en as Corz d'Aragón por a circumscripción electoral de Zaragoza
- Deputaus d'a XI Lechislatura d'as Corz d'Aragón
- Gubierno Azcón
- Naixius de Zaragoza
- Politicos d'Aragón
- Politicos d'o Partido Popular de Aragón
- Presidents d'a Deputación Cheneral d'Aragón
- Presidents d'o Partido Popular de Aragón
- 1973 (naixencias)