Paul Muni
| Paul Muni | |
|---|---|
 Paul Muni | |
| Información personal | |
| Calendata naiximiento: | 22 de setiembre de 1895 |
| Puesto naiximiento: |  Lviv (Imperio Austro-Hongaro)
|
| Calendata muerte: | 25 d'agosto de 1967 |
| Puesto muerte: |  Santa Barbara (California)
|
| Conchuche: | Bella Finkel (1921-1967) |
| Premios Oscar | |
| 1936: Oscar a o Millor Actor por The Story of Louis Pasteur. | |
Meshilem Meier Weisenfreund, con nombre artistico Paul Muni, estió un actor estatounitense, naixito o 22 de setiembre de 1895 en Lviv (Imperio Austro-Hongaro, hue Ucraína) y muerto o 25 d'agosto de 1967 en Santa Barbara (California).[1]
En a suya carrera cinematografica, recibió un Oscar a o Millor Actor (á más de quatro nominacions), un Premio NYFCC a o Millor Actor, una Copa Volpi a o Millor Actor y un Premio Tony a o Millor Actor Teatral.
Primeras anyadas[editar | editar código]
Meshilem Meier Weisenfreund naixió d'a ciudat de Lviv, que en ixas calendatas (1895) yera en a provincia austriaca de Galitzia, en l'Imperio Austro-Hongaro, en una familia chodiga. Os suyos pais yeran actors de teatro en yídix, y emigroron en 1902 ta Nueva York, en os Estatos Unitos,[1] como muchos atros habitants d'a redolada en ixas envueltas.
Estatos Unitos[editar | editar código]
En os Estatos Unitos, debutó en a scena con os suyos pais en 1907, a l'edat de 12 anyadas. Lo escubrió o empresario teatral Maurice Schwartz, que yera propietario d'o Yiddish Art Theater.[1]
Actividat cinematografica[editar | editar código]
Con 29 anyos d'edat, actuó en os teatros de Broadway, en Nueva York, en o suyo primer papel en el que emplegaba a luenga anglesa. En 1929 fue contractato por a Fox Film Corporation d'o productor William Fox, y nominato a o premio Oscar ta o Millor Actor por o suyo primer papel en o cine, en The Valiant, de William K. Howard, con Marguerite Churchill, DeWitt Jennings, Henry Kolker, Edith Yorke, Richard Carlyle y Johnny Mack Brown. Sindembargo, os papels que li ufriban no li cuacaban, y albandonó o cine ta tornar ta o teatro.
En 1932 tornó ta o cine, ta un papel en Scarface, una pelicula de cine negro de Howard Hawks, con Ann Dvorak, George Raft, Karen Morley y Osgood Perkins. Tamién en 1932 rodó I Am a Fugitive from a Chain Gang, de Mervyn LeRoy, con Glenda Farrell, Helen Vinson y Noel Francis; por a suya interpretación en ista cinta fue tamién nominato a l'Oscar a o Millor Actor. Ista cinta li fació retomar a suya carrera cinematografica, con títols d'importancia. A productora cinematografica Warner Bros. li ufrió un contracto.
Asinas, en 1936 rodó a pelicula The Story of Louis Pasteur, entrepetando a Louis Pasteur; o director cinematografico estió William Dieterle, y atros actors estioron Josephine Hutchinson, Anita Louise y Donald Woods. Por ista interpretación recibió o Oscar a o Millor Actor en 1936, amás d'a Copa Volpi a o Millor Actor d'o Festival Internacional de Cine de Venecia.
En 1937 interpretó a Émile Zola en a cinta The Life of Emile Zola, tamién de William Dieterle, con Gale Sondergaard, Joseph Schildkraut, Gloria Holden y Donald Crisp, recibindo una atra nominación a o premio Oscar a o Millor Actor y un Premio NYFCC a o Millor Actor, atorgato por o Circlo de Criticos Cinematograficos de Nueva York.
En o periodo d'o Comité d'Actividatz Antiamericanas, promovito por o senador Joseph McCarthy, Paul Muni fue relegato, por a suyas posicions politicas, que feba apareixer en as suyas peliculas, aspecto claro en peliculas como en The Life of Emile Zola u Juarez, pero que apareixeba en muitos atros d'os suyos papels.[1]
En 1959 recibió a suya zaguera nominación a l'Oscar, por a pelicula The Last Angry Man, de Daniel Mann, con David Wayne y Betsy Palmer.
Actividat teatral[editar | editar código]
Paul Muni no albandonó o Teatro, y recibió en 1956 un Premio Tony a o Millor Actor Teatral por a suya participación en Inherit the Wind, una obra de Jerome Lawrence y Robert Edwin Lee.
Retirada d'a scena[editar | editar código]
En 1959, por os suyos problemas de salut, se retiró d'o cine y d'o teatro. Morió o 25 d'agosto de 1967 en a localidat de Montecito, en l'estato de California, a l'edat de 71 anyadas.
Premios[editar | editar código]
Cine[editar | editar código]
Paul Muni recibió un premio Oscar a o Millor Actor en 1936 por The Story of Louis Pasteur. Muni fue nominato a l'Oscar a o Millor Actor por The Valiant (1929, I Am a Fugitive from a Chain Gang (1932), The Life of Emile Zola (1937) y The Last Angry Man (1959).
Tamién recibió Muni en 1936 una Copa Volpi a o Millor Actor en o Festival Internacional de Cine de Venecia, por a suya interpretación de Louis Pasteur en The Story of Louis Pasteur
Recibió en 1937 un Premio NYFCC a o Millor Actor, d'o Circlo de Criticos Cinematograficos de Nueva York por o suyo papel en The Life of Emile Zola.
Teatro[editar | editar código]
Tamién recibió en 1956 un Premio Tony a o Millor Actor Teatral por a suya participación en Inherit the Wind.
Filmografía[editar | editar código]
| Anyo | Tetulo | Papel | Notas | |
|---|---|---|---|---|
| 1929 | The Valiant | James Dyke | Nominato a l'Oscar a o Millor Actor | |
| Seven Faces | Papa Chibou, Diablero, Willie Smith, Franz Schubert, Don Juan, Joe Gans, Napoleon | |||
| 1932 | Scarface | Antonio 'Tony' Camonte | ||
| I Am a Fugitive from a Chain Gang | James Allen | Nominato a l'Oscar a o Millor Actor | ||
| 1933 | The World Changes | Orin Nordholm Jr. | ||
| 1934 | Hi, Nellie! | Brad Bradshaw | ||
| 1935 | Bordertown | Johnny Ramirez | ||
| Black Fury | Joe Radek | |||
| Dr. Socrates | Dr. Lee Cardwell, also called Dr. Socrates | |||
| 1936 | The Story of Louis Pasteur | Louis Pasteur | Oscar a o Millor Actor | |
| 1937 | The Good Earth | Wang | ||
| The Woman I Love | Lt. Claude Maury | |||
| The Life of Emile Zola | Émile Zola | Nominato a l'Oscar a o Millor Actor | ||
| 1939 | Juarez | Benito Juarez | ||
| We Are Not Alone | Dr. David Newcome | |||
| 1941 | Hudson's Bay | Pierre Esprit Radisson | ||
| 1942 | Commandos Strike at Dawn | Erik Toresen | ||
| 1945 | A Song to Remember | Prof. Joseph Elsner | ||
| Counter-Attack | Alexei Kulkov | |||
| 1946 | Angel on My Shoulder | Eddie Kagle/Judge Fredrick Parker | ||
| 1952 | Imbarco a mezzanotte | The Stranger With A Gun | Stranger on the Prowl en os EEUU | |
| 1959 | The Last Angry Man | Dr. Sam Abelman | Nominato a l'Oscar a o Millor Actor |
Vinclos externos[editar | editar código]
Referencias[editar | editar código]
- ↑ 1,0 1,1 1,2 1,3 (es) Aguilera, Christian; y Dias, Núria: Los actores de los Oscar del siglo XX, L'Hospitalet de Llobregat (Barcelona) 1999, ISBN 84-930559-0-5 .