Palomar

De Biquipedia
Ir a la navegación Ir a la búsqueda
Antigo palomar de Badenas (Teruel).
Un palomar visto dende adintro.

Un palomar ye una construcción popular pa criar pichons y palomos destinaus sobre tot a lo consumo. En la Edat Meya podeba estar un edificio propiedat d'un sinyor feudal u d'un propietario de mas que teneba lo privilechio de criar palomos.

Palomars naturals y trogloditicos[editar | modificar o codigo]

Palomar trogloditico en Lei Bauç (Provenza).

Bi ha foces y barrancos con la palabra palomera en l'Alto Aragón, que tienen ripas altas y abrigadas que cobillan palomos.[1] A vegadas l'hombre ha aproveitau la topografía pa fer palomars en ripas y en covachas.

Toponimia[editar | modificar o codigo]

Son toponimos y microtoponimos derivaus de la presencia de palomars en l'Alto Aragón y val d'Ebro Palomar y Palomera.[2] La referencia mes antiga en Aragón corresponde a un texto escrito en latín medieval de l'anyo 1131:

de illas almunias de Alcolea in iuso, usque ad illa Palomera quomodo habeo donatas ad illa populatione de Alfaiarin.

En Gascunya dicen palouméres a los cabezos a on los cazataires van a cazar palomas.[3]

En la provincia de Teruel bi ha bell microtoponimo relacionau con los palomars u con las palomeras: Palomar en Cuencas Meneras,[4] sierra de Palomita en lo Mayestrato, sierra Palomera entre Xiloca y Alfambra, y río Palomarejas en Rubiuelos. Como en atros toponimos no siempre ye segura la relación porque en bell caso puede haber-ie modificacions por falsas etimolochías, en beluns d'estos casos a partir de paramo.

En atras zonas de la Peninsula Iberica luent de l'antigo dominio lingüistico de l'aragonés como Tierra de Campos y Benavente y los Valles tamién son freqüents esta clase de toponimos por estar tradicionals estas estructuras con iguals nombres en castellán y Astur-leyonés oriental.

Referencias[editar | modificar o codigo]

  1. (es) BIARGE LÓPEZ, Fernando, BIARGE, Aurelio, CUCHI, José Antonio, SALAMERO, Enrique: Cañones y barrancos. Un medio excepcional. Editorial: El Patrimonio Natural Altoaragonés, Uesca, 2005, p 21.
  2. (es) FRAGO GRACIA, Juan Antonio: Toponimia navarroaragonesa del Ebro (VI): Fauna. AFA, nº XXXIX [1], p 65.
  3. (es) TRASOBARES SERRANO, Consuelo: La tierra y la palabra, toponimia y habla de Brea de Aragón. 2002. p 273.
  4. (es) VENTURA CONEJERO, Agustín: Toponimia de la provincia de Teruel. Revista Teruel, nº 48, 1972, p. 231.

Vinclos externos[editar | modificar o codigo]