País Valenciano

	País Valenciano; Comunidad Valenciana; Comunitat Valenciana
	Comunidat autonoma d'Espanya
Bandera	Escudo
	Himno: Himno d'a Comunidat Valenciana
Entidat; • Estau	Comunidat autonoma; Espanya
Capital	Valencia
Subdivisions	32 comarcas
Idioma oficial	Valenciano y castellano
Superficie; • Total	Pos. 8 de 19; 23 255 km²
Población; • Total (2024); • Densidat	Pos. 4 de 19; 5 003 769 hab. ; 219,81 hab/km²
‎Chentilicio	Valenciano/a
ISO 3166-2	ES-VC
President	Juanfran Pérez Llorca; (PPCV)
Estatuto d'autonomía	10 d'abril de 1982
Día d'o País Valenciano	9 d'octubre
	;
	Pachina web oficial

O País Valenciano u Comunidat Valenciana (País Valencià u oficialment Comunitat Valenciana en valenciano; País Valenciano u Comunidad Valenciana en castellano) ye una comunidat autonoma d'Espanya situada en l'este d'a peninsula Iberica. O suyo territorio, d'o que fan parte as provincias d'Alicant, Castellón, y Valencia, ye lo de l'antigo Reino de Valencia, que fue aboliu en 1707 con os Decretos de Nueva Planta.

Mugas

Muga a lo norte con Catalunya y Aragón, a l'ueste con Castiella-La Mancha y con Aragón tamién, y a lo sud con a Rechión de Murcia.

Gubierno y administración autonomicos

O conchunto d'as institucions d'autogubierno d'a Comunidat Valenciana constituye la Cheneralidat Valenciana (Generalitat Valenciana en valenciano). Fan parte d'a Cheneralidat: as Corz d'o País Valenciano u Corts, o president y o Gubierno valenciano u Consell.

O president d'a Cheneralidat Valenciana ye tamién lo president d'o Gubierno d'o País Valenciano.

A potestat lechislativa drento d'a Comunidat, en materias d'a suya competencia, corresponde a las Corz Valencianas, que representan a lo pueblo valenciano a traviés d'os suyos 99 parlamentarios.

Historia

Enantes d'a disvisión en taifas las cronicas musulmanas en charran como o balad Balansiyya u districto d'a ciudat de Valencia.

Os oríchens d'o País Valenciano como lo conoixemos se remontan a l'historico Reino de Valencia que yera drentro d'a Corona d'Aragón y lo creyó Chaime I en o sieglo XIII en o contexto d'a conquista d'os reinos de taifas islamicos de Valencia, Denya, y parti de Murcia, y posterior colonización feudal a mans de catalans y aragoneses que trayeban tamién atros cristianos d'atras tierras.

Lo reino creyau por Chaime I desapareixió en lo legal en 1707 por os Decretos de Nueva Planta d'o rei Felipe V d'Espanya. En os zaguers anyos d'o sieglo XIX i habió movimientos cantonalistas, (o d'Alcoi), como en atras zonas d'Espanya (Cartachena). Tamién naixioron reivindicacions rechionalistas y mesmo nacionalistas de signo catalanista que continoron en lo sieglo XX, que creyoron en bels sectors una reacción de signo contrario que encara existe.

En 1982 consiguió un Estatuto d'Autonomía que ha estau reformato en 2006.