Oriuela (Alicant)

De Biquipedia
(Reendrezau dende Origüela (Alicant))
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Oriuela
Municipio d'o País Valenciano
Bandera Escudo d'armas
A Segura en pasando por Oriuela
Entidat
 • Estau
 • Comunidat
 • Provincia
 • Comarca
Municipio
 Espanya
 País Valenciano
Alicant
Vega Baixa d'a Segura
Superficie 365,40 km²
Población
 • Total

82 449 hab. (2013)
Altaria
 • Meyana

23 m.
Alcalde Monserrate José Guillén Sáez
Codigo postal 03300, 03189, 03310–03318, 03320, 03369, 03689, 03315
Coordenadas
Oriuela ubicada en País Valencián
Oriuela
Oriuela
Oriuela en País Valenciano
Web oficial

Oriuela (Orihuela en castellano; Oriola en catalán valenciano) ye una ciudat valenciana y capital d'a comarca d'a Vega Baixa d'a Segura. En 2011 a suya población yera de 88.714 habitants.

Toponimia[editar | modificar o codigo]

As primeras mencions son d'o periodo romano como Aureola por part de Panvinio. En o periodo visigodo l'anonimo de Ravenna parla d' Aurariola como una d'as ueito provincias d'Hispania. Os autors d'o periodo andalusí la nombran con diferents variants graficas: Auriuela, Oliuera, Orihuela, Uryüla, ecetra. En o periodo d'a reconquiesta os cristianos la nombraban como Oriola, Oriole en latín medieval, Oriuela, Orihuela, Origüela en castellano y Oriola en catalán, toponimo que tamién podemos veyer en textos escritos en aragonés como en un texto de 1405 cuan Martín I d'Aragón feba un pacto con o rei de Granada.

E semblantment sia feyto e firmado por nos ditos reyes daragon e deSicilia en los vasallos de vos dito Rey de Granada. E semblantment sia feyto e firmado por nos ditos reyes daragón e de Sicilia en los vasallos de vos dito Rey de Granada. Mandando al dito Governador nuestro de Oriola o lugartenient de aquell e a los deputaders a aquesto por el consello de Oriola la punición de los ditos malfaytores vassallos nuestros a restitucion de los cativos e bienes dellos a los ditos alcaydes de Beliz el mayor e de Vera

Manimenos a forma Oriuela, d'alcuerdo con a fonetica aragonesa y coincident con a Oriuela d'a Sierra d'Albarracín ye a sola que se troba en as "Chestas d'el rei don Chaime"

Et apres aquel dia mismo, el rey se'n fue a Oriuela et dexo en Elg n'Astruch de Bonsenyorqui, recaudasse et levasse los encartamientos qui eran seydos fechos entre el et los moros de Elg. Et estando el rey en Oriuela, fue a el el fillo de Abenuc, qui era arrayz de Crivillen, diziendo como su padre era preso en poder del rey de Castiella.

S'ha quiesto interpretar o toponimo con diferents hipotesi, pero bi n'ha dos de bien fundamentatas. A primera fa remontar "Oriuela" d'o latín Ora ("puerto", "boca", como en o títol de Ora Maritima d'Avieno) con o diminutivo -ola. D'esta traza Oriuela yera en a salita d'a Segura que en o periodo romano desembocaba en un aria paulenca que comunicaba con a Mediterrania a lo norte de l'actual desembocadura. Refirmando esta hipotesi tenemos a L'Oriola en Amposta y Oriolet en Mallorca. Atra hipotesi fa remontar "Oriuela" a partir de l'antroponimo Aurea con o diminutivo latín, que en romanz da Oria y lo veyemos en toponimos como a Valdoria d'Albalat de l'Arcebispe y Hontoria.

Mugas[editar | modificar o codigo]

O termin municipal d'Oriuela muga con L'Alguenya, La Romana, El Fondó de les Neus, El Fondó dels Frares y Albatera, Algorfa, Almoradí, Benejússer, Benferri, Bigastre, Callosa de Segura, Catral, Xacariella, Els Montesins, Redován, Sant Miquel de les Salines, Torrevella y El Pilar de la Foradada en lo País Valenciano; y con Fabaniella, Fortuna, Beniel, Murcia (pedanías) y Santomera en la Rechión de Murcia.

Historia[editar | modificar o codigo]

En l'anyo 1707 os borbons creyoron una demarcación administrativa con capital en Oriuela, dita Gobernación de Orihuela, Gobierno de Orihuela, Corregimiento de Orihuela u Partido de Orihuela. Esta entidat estió vichent dica l'anyo 1833 con o establimiento d'as provincias actuals. En a Gobernación de Orihuela yera tota l'actual comarca d'a Vega Baixa d'a Segura u Baixa Segura, Crevillent, Asp, Elda y Salinas.

Luenga[editar | modificar o codigo]

Orihuela y a suya comarca charraban catalán d'antis mas. A luenga castellana se cheneralizó en o sieglo XVIII.

Demografía[editar | modificar o codigo]

Evolución demografica
2003 2004 2005 2006 2007 2008 2009 2010 2011
- - - - - - - - 88.714

2021 2022 2023 2024 2025 2026 2027 2028 -
- 80.784 - - - - - - -

1990- : población de dreito.
Fuent: Intercensal en l'INE, Series de población en l'INE y Relación d'unidaz poblacionals en l'INE.