Operación Barbarroya

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Operación Barbarroya
Segunda Guerra Mundial
Desembolique d'a Operación Barbarroya dica aviento de 1941.
Información cheneral
Calendata: 22 de chunio de 1941 - febrero de 1942
Puesto: Unión Sovietica (Belarrusia, Ucraína, Lituania, Letonia, Estonia, occident de Rusia) y Finlandia
Resultau: Victoria tactica d'o Tercer Reich, encara que con una redota estratechica important.
En conflicto
Aliaus: Unión Sovietica	Potencias de l'Eixe: Tercer Reich Reino de Rumanía Finlandia Reino d'Italia Hongría Eslovaquia
Comandants
Josef Stalin	Adolf Hitler
Soldaus
2.300.000 soldatos (alto u baixo) 15.000 tanques 9.000 avions	3.200.000 soldatos (alto u baixo) 3.648 tanques 2.700 avions

Se conoix con o nombre d'Operación Barbarroya (Unternehmen Barbarossa en alemán) a la invasión d'a Unión Sovietica o 22 de chunio de 1941 por a Wehrmacht d'o Tercer Reich mientres a Segunda Guerra Mundial, ubrindo asinas as operacions en o Frent Oriental. O nombre yera o nombre en codigo que dió a Wehrmacht a ista operación, en honor a l'emperador Frederico I Barbarroya d'o Sacro Imperio Romano Chermanico. Mientres ista operación bi habió luitas dende o territorio de Finlandia a o norte dica a mar Negra a o sud; antiparte, se considera que se incluyen en ista operación as luitas dende o prencipio d'a invasión o 22 de chunio de 1941 dica rematar as operacions d'a batalla de Moscú en chinero u febrero de 1942.

Estió o prencipal puesto a on bi habió luitas en iste periodo, y participó en as luitas a mayor parte d'as tropas alemanas chunto con bellas tropas d'os suyos Aliaus d'as Potencias de l'Eixe, (por eixemplo dende octubre de 1941 i yera present a División Azul ninviata por a Espanya franquista, con participación d'aragoneses); antiparte, estió en iste frent que ubrió a Operación Barbarroya a on a Wehrmacht tenió a mayor parte d'as suyas baixas mientres a guerra.

A invasión d'a Unión Sovietica s'adrezaba en un principio enta tres puntos diverchents: Leningrado, Moscú y Ucraína. Mientres iban abanzando en Ucraína a lo sud de Kiev as tropas que en un principio s'adrezaban ta Moscú fuoron dirichitas enta o norte de Kiev pa asegurar control d'Ucraína y con ixo o proveimiento de l'exercito. O resultau estió que facioron una cerca en a redolada de Kiev. A Batalla de Kiev se considera encara a mes gran maniobra cercadora d'a historia.

Vinclos externos

• Se veigan as imáchens de Commons sobre Operación Barbarroya.

• Datos: Q83055
• Multimedia: Operation Barbarossa / Q83055