Ola

Una ola^[1]^[2] u onda^[1] ye un movimiento ondulatorio de l'augua que bi ha en a superficie d'a mar indueito por l'acción d'o viento. Tamién se producen en una gran masa d'augua como un laco u entibo gran. O movimiento ondulatorio describe una trachectoria circular de puyada y baixada si no bi ha contacto con o fondón, pero cuan o fondón ye en contacto con bel punto d'a trachectoria, o movimiento oscilatorio se va aturando. Contra mes a man siga a linia de costa y menos fondo siga o fondón mes aturada bi habrá, creixendo os desplazamientos horizontals en ixe movimiento ondulatorio, fendo que a ola se crebe en a costa, con un movimiento entadebant seguito d'un movimiento enta dezaga que se repite de contino.

Acción cheolochica d'as olas

Erosión

As olas representan un achent cheolochico externo capaz de producir erosión, o principal achent erosivo en as costas, y ye por a suya propia enerchía, u por o material que levan u mueven. As mareas no fan que ixamplar o campo d'acción d'as olas asinas como puyan u baixan fendo cambiar as linias de costa.^[3]

Una forma tipica d'erosión formada por as olas son as paretadas propias de costas con rocas duras, y as plataformas d'abrasión que se forman por retacule d'estas paretadas.

En a Grant Cronica d'Espanya ya mencionan a erosión (tiramiento) que fan as olas en a costa:

& ap(re)s es edificada la çiudat e(n)tre dos Sirtes. Porq(ue) dos / sines so(n) / el uno ç(er)ca d(e)l ot(r)o ./ enla Africa ext(re)ma o çaguera no eguales en gra(n)deza mas eguales en nat(ur)a / los lugares d(e)la t(ie)rra d(e)los q(u)ales son muyt altos. los ot(r)os lugares so(n) assi como nat(ur)a ha orde(n)ado. los unos so(n) altos / & los otros so(n) nadosos en tempestat. Porq(ue) alla do es la mar g(r)ant escomie(n)ça de mou(er) & de ensanyar se /. por los uie(n)tos las o(n)das d(e)l agua tiran arena & g(r)andes piedras & penyas. & assi la faç o cara d(e)los lugares se muda ensemble co(n)los uie(n)tos & los Sirtes son assi no(m)brados por(e)l tiramie(n)to d(e)la t(ie)rra.

Sedimentación

As olas que inciden a'l bies contra a costa producen corrients de deriva litoral responsables d'a formación de plachas y sayetas litorals.

Referencias

↑ ^1,0 ^1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ (an) Diccionario Aragonés-Castellano/Castellano-Aragonés. Fernando Romanos Hernando. Edicions Transiberiano. ISBN 978-84-16825-16-5. Zaragoza, 2017.
↑ Eumenio Ancochea Soto, Francisco Anguita Virella, Fernando Moreno Serrano. Geología Procesos Externos. Editorial Edelvives, 1990. pp 152

Bibliografía

(es) Eumenio Ancochea Soto, Francisco Anguita Virella, Fernando Moreno Serrano. Geología Procesos Externos. Editorial Edelvives, 1990.
(es) Francisco Anguita Virella, Fernando Moreno Serrano. Procesos geológicos externos y geología ambiental. Editorial Rueda.

Vinclos externos

Se veigan as imáchens de Commons sobre olas.

Datos: Q165848
Multimedia: Water waves / Q165848

[DACC-1] 1,0 ^1,1 (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.

[Romanos-2] (an) Diccionario Aragonés-Castellano/Castellano-Aragonés. Fernando Romanos Hernando. Edicions Transiberiano. ISBN 978-84-16825-16-5. Zaragoza, 2017.

[3] Eumenio Ancochea Soto, Francisco Anguita Virella, Fernando Moreno Serrano. Geología Procesos Externos. Editorial Edelvives, 1990. pp 152

[1]

[2]

[3]