Cebollar

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Un cebollar.

Un cebollar ye un campo u extensión sembrada de cebollas, u mesa en cultura ta producir cebollas. Un cebollar produce d'entre 20.000 y 40.000 cebollas por hectaria[1] en una anyada normal.

A cebolla ye una hortalicia que no se consume toz os días, y que da prou treballo como ta que a cantidat que una familia regular en consume valga millor criar-la en un huerto particular, a on se puede tener atras especies. Por tanto, os cebollars en extensión, que producen mils de kilos de cebollas, no son destinaus a consumo particular sino que gosan asociar-se a la venta y exportación d'o producto.

Os cebollars pueden estar de regano u de secano, pus a cebolla ye una planta que en toz dos sistemas puede creixer. Manimenos, en o entorno de secano creix mas a boniquet y tienen un gusto mas fuerte cuan se cullen, por o que en l'actualidat tiende a sembrar-se mayoritariament en regano, o que va deixando a os cebollars de secano cada vegada mas relegaus.

En Aragón i ha cebollars destacables en a huerta de Gallur, Taust, Pedrola, Noviellas y Luceni. En a huerta de Fuents d'Ebro y belatros municipios en a redolada s'ha creyau, en 2010, una Denominación d'Orichen Protechida a redol d'a Cebolla Dulce de Fuents d'Ebro.

Se veiga tamién[editar | modificar o codigo]

Referencias[editar | modificar o codigo]

  1. (es) Voz «Cebolla». Gran Enciclopedia Aragonesa (TOMO III). Unión Aragonesa del Libro, Unali S.L. Zaragoza, 1981. ISBN 84-85656-10