Nagasaki

De Biquipedia
Ir ta: navego, busca
Nagasaki
Localidat de Chapón
Anvista de Nagasaki
Anvista de Nagasaki.
Estato
 • Rechión
 • Prefeutura
Flag of Japan.svg Chapón
Kyūshū
Nagasaki
Superficie 406,35 km²
Población
 • Total
 • Densidat

423.160 hab. (2005)
1.041,37 hab/km²
Nagasaki en a suya prefectura
Nagasaki en a suya prefectura.
www.City.Nagasaki.jp

Nagasaki (長崎市, 'Nagasaki-shi', en chaponés) ye una ciudat chaponesa en a rechión de Kyūshū y prefectura de Nagasaki, (en ye a suya capital).

Nagasaki tien una superficie de 406,35 km², una población de 423.160 habitants (2005) y una densidat de población de 1.041,37 abs/km².

Historia[editar | editar código]

Os suyos orichens[editar | editar código]

Os portugueses establioron a ciudat de Nagasaki en 1571 dimpués de plegar accidentalment un navilio d'ista nacionalidat a la redolada a meyatos d'o sieglo XVI. En 1549 bi plegó o misionero chesuíta Sant Francisco Xabier (naixito de Xabier, a man d'Aragón), que en 1551 partió ta China. Os suyos disciplos convirtioron a bells daimyō, como Sumitada Ōmura, que establió un puerto ta o comercio con Portugal, puerto que ye l'actual ciudat de Nagasaki.

Expulsión d'os portugueses[editar | editar código]

En 1587, o nuevo shogun, Hideyoshi Toyotomi, ordenó a expulsión d'os misioneros, y en 1596 crucificó a 26 cristians chaponeses en Nagasaki. En 1614 o shogun Ieyasu Tokugawa prohibió o cristianismo en o país, redotando a os cristians de Nagasaqui, que s'heban sublevato, con un exercito de 120.000 soldatos. En as persecucions, morioron os clamatos Diez y seis martirs de Nagasaki, canonizatos o 18 d'octubre de 1987.

A presencia neerlandesa[editar | editar código]

En 1641, ta mantener o comercio con Europa, o shogun concedió a os neerlandeses una isla artificial en a bahía de Nagasaki, Dejima, en a que yeran confinatos. Dica 1855, os solos contactos d'o Chapón con o exterior estioron a traviés d'ista base.

A intervención estatounitense[editar | editar código]

En 1853 o comodoro estatounitense Matthew Perry forzó a o Chapón a ubrir puestas a o comercio, y Nagasaki se convirtió en un puerto libre.

Bombardeyo atomico[editar | editar código]

En a Segunda Guerra Mundial, Nagasaki sufrió pocos bombardeyos aerios, dica o 9 d'agosto de 1945. En ixa calendata, un bombardero estatounitense Boeing B-29 Superfortress d'a United States Army Air Forces lanzó una bomba atomica (Fat Man) sobre a ciudat, en os bombardeyos atomicos sobre Hiroshima y Nagasaki. Explotó a 580 metros d'altaria y morioron de raso 75.000 d'os habitants d'a ciudat, con 13.000 treballadors coreans y 200 prisioneros de guerra Aliatos.

Ciudatz achirmanadas[editar | editar código]

Vinclos externos[editar | editar código]