Millirahmstrudel
| Millirahmstrudel | ||
|---|---|---|
 Millirahmstrudel | ||
| Milchrahmstrudel | ||
| Cocina: | Gastronomía austriaca | |
| Orichen: |  Austria
| |
| Se mincha en: | Centro-europa | |
| Categoría: | Tarta | |
| Ingredients: | Bizcocho, nata, claras, almendras, zucre, leit, rubillos y pasas | |
O Millirahmstrudel (en alemán estándar Milchrahmstrudel) ye un tradicional strudel o tarta vienesa. Ye un pastel popular en Austria y muitos atros países d'Europa que d'antis mas perteneixeban a o Imperio austro-hongaro (1867–1918). O Millirahmstrudel ye un pastel de bizcocho feito a o forno, con pasas y nata y servito con salsa de vainilla calient.[1]
Historia[editar | modificar o codigo]
A primera receta d'un strudel que se conoixe ye a d'un Millirahmstrudel de l'anyo 1696 en Vienna, una receta manuscrita que se troba en a biblioteca d'a ciudat de Viena.[2][3] Os exercitos otomans trayoron o strudel ta Viena (se veiga o setio de Viena de 1529 y a batalla de Viena de 1683), alavez l'orichen d'iste pastel ye probablement o Imperio Bizantín.
Una leyenda vienesa diz que Franz Stelzer (1842–1913), propietario d'una chicota posada en Breitenfurt, amán de Vienna, estió o inventor d'o Millirahmstrudel.[4][5] En a historia se convierte en un hombre prou famoso y rico por iste feito.
Ingredients[editar | modificar o codigo]
Entre os ingredients que s'amenistan ta fer ista tarta se troban a nata, rubillos, almendras, zucre, 1 rollo de bizcocho chupiu en leit y 2 claras de uevo a punto de nieu. Se replena con pasas y se mete a o forno con temperatura no guaire alta. Se chita por dencima leit con zucre. Se deixa ixucar y se fa bullir en una cacerola.[6] Ta rematar se sirve con salsa de vainilla calient.
Se veiga tamién[editar | modificar o codigo]
Referencias[editar | modificar o codigo]
- ↑ (en) o713286.htm;internal&action=_setlanguage.action?LANGUAGE=en AEIOU Encyclopedia
- ↑ (de) Apfelstrudel, Milchrahmstrudel, Topfenstrudel auf traditionelle-lebensmittel.at
- ↑ (de) Felix Czeike: Historisches Lexikon Wien. Band 5. Verlag Kremayr & Scheriau, Wien 1997, ISBN 3-218-00547-7, S. 384.
- ↑ (en) The myth of the Breitenfurter cream strudel (Sagen aus dem Wienerwald)
- ↑ (de) Erfinder des Milchrahmstrudels – Franz Stelzer, from: BRENNNESSEL, Das Blatt der Breitenfurter Grünen
- ↑ (en) Michael Berenbaum, In Memory's Kitchen: A Legacy from the Women of Terezin(2006), ISBN 978-0-7425-4646-2 (p. 59)